വെെക്കം: ട്രെയിനിലെ ടോയ്ലറ്റില് മലയാളി യുവതിയെ മരിച്ച നിലയില് കണ്ടെത്തി. വെെക്കം ആറാട്ടുകുളങ്ങര പാലക്കാട്ട് മഠത്തില് പരേതനായ സുരേന്ദ്രന് നായരുടെ മകള് സുരജ എസ് നായര് (45) ആണ് മരിച്ചത്. ആലപ്പുഴ - ധര്ബാദ് എക്സ്പ്രസ് ട്രെയിനിലാണ് സംഭവം.
തമിഴ്നാട് ജോലാര്പേട്ട ജംഗ്ഷനില് ട്രെയിന് എത്തിയപ്പോഴാണ് ടോയ്ലറ്റില് മൃതദേഹം കണ്ടെത്തിയത്. ജോലാര്പേട്ടിലാണ് നിലവില് മൃതദേഹം സൂക്ഷിച്ചിരിക്കുന്നത്. ഒഡീഷയില് സഹോദരിയുടെ വീട്ടില് പോയ ശേഷം നാട്ടിലേക്ക് മടങ്ങുകയായിരുന്നു സുരജ.
തമിഴ്നാട്ടിലെ ജോളാര്പേട്ട് റെയില്വേ സ്റ്റേഷനില് വച്ചാണ് സഹയാത്രികര് സുരജയുടെ മൃതദേഹം ശുചിമുറിയില് കണ്ടത്. ഹൃദയാഘാതത്തെ തുടര്ന്നുള്ള മരണമെന്നാണ് പ്രാഥമിക അനുമാനം. വിവരമറിഞ്ഞ് ബന്ധുക്കള് ജോളാര്പെട്ടിലേക്ക് തിരിച്ചു. വൈക്കത്ത് സാമൂഹ്യ സേവന രംഗങ്ങളില് സജീവ സാന്നിധ്യമായിരുന്നു സുരജ. പ്രവാസിയായ ജീവനാണ് ഭര്ത്താവ്.
