ദുബായില് പ്രവാസി മലയാളിയെ തട്ടിക്കൊണ്ടുപോയി കൊന്നു കുഴിച്ചുമൂടി
ദുബായ്: ദുബായില് പ്രവാസി മലയാളിയെ തട്ടിക്കൊണ്ടുപോയി കൊലപ്പെടുത്തി മൃതദേഹം കുഴിച്ചുമൂടിയ നിലയില്. സംഭവവുമായി ബന്ധപ്പെട്ടു പാകിസ്ഥാനികള്ക്കെതിരെ കേസെടുത്തു. തിരുവനന്തപുരം പേരൂര്ക്കട സ്വദേശി അനില് വിന്സെന്റാണ് കൊല്ലപ്പെട്ടത്.
ട്രേഡിംഗ് കമ്പനിയില് പി ആര് ഒ ആയ അനിലിനെ ഈ മാസം മൂന്നാം തീയതിയാണ് കാണാതായത്. അനിലിന്റെ സഹോദരന് പ്രകാശ് ഇതേ കമ്പനിയിലാണ് ജോലി ചെയ്യുന്നത്. ഈ മാസം മൂന്നാം തീയതി സ്റ്റോക്ക് പരിശോധിക്കാന് വേണ്ടി കൂടെ ജോലി ചെയ്യുന്ന പാകിസ്ഥാന് സ്വദേശിക്കൊപ്പം പോയതായിരുന്നു അനില്.
അനില് തിരിച്ചെത്താതായതോടെ പൊലീസില് പരാതി നല്കുകയായിരുന്നു. ജോലി സംബന്ധമായ വൈരാഗ്യമാണ് കൊലപാതകത്തിലേക്ക് നയിച്ചതെന്നാണ് വിവരം. രണ്ട് പേരെ പൊലീസ് അറസ്റ്റ് ചെയ്തു. മൃതദേഹം മറവുചെയ്യാന് കൊണ്ടുപോയ വാഹനത്തിന്റെ ഡ്രൈവറും പാകിസ്ഥാന് സ്വദേശിയാണ്. ഇയാള് പാകിസ്ഥാനിലേക്ക് കടന്നുകളഞ്ഞു. അനിലിന്റെ മൃതദേഹം നാട്ടിലെത്തിച്ചു.
കേസ് കൊടുക്കാനും അന്വേഷണത്തിനും പ്രകാശിനും ഓഫിസ് ജീവനക്കാര്ക്കും ഒപ്പം പ്രതിയായ പാക്കിസ്ഥാനിയും ഉണ്ടായിരുന്നു. അനിലിന്റെ ഭൗതികശരീരം നാട്ടിലെത്തിച്ച് സംസ്കരിച്ചു.
