എന്എച്ച്എസിന്റെ കോവിഡ് പോരാട്ടത്തില് മുന്നിരയില് നിന്നും പോരാടിയ ഡോക്ടര്മാര് അതിന്റെ ജീവിക്കുന്ന ഇരകളായി മാറിയിരിക്കുകയാണ്. ലോംഗ് കോവിഡ് ബാധിച്ച് വികലാംഗത്വം ബാധിക്കുകയും, സാമ്പത്തികമായി തകരുകയും ചെയ്ത ഡോക്ടര്മാര് ഇപ്പോള് എന്എച്ച്എസിനെതിരെ നഷ്ടപരിഹാരം ആവശ്യപ്പെട്ട് കോടതിയെ സമീപിക്കുകയാണ്.
ആദ്യഘട്ടത്തില് പിപിഇ ലഭ്യമാക്കാതെ എന്എച്ച്എസ് തങ്ങളെ നിത്യരോഗികളാക്കി മാറ്റിയെന്നാണ് നൂറുകണക്കിന് ഡോക്ടര്മാര് ഉന്നയിക്കുന്ന ആരോപണം. ബ്രാഡ്ഫോര്ഡ് റോയല് ഇന്ഫേര്മറിയില് ജോലി ചെയ്യവെ 2020 നവംബറില് കൊറോണാവൈറസ് പിടിപെട്ട ഡോ. കെല്ലി ഫിയേണ്ലി ഇപ്പോഴും ജോലി ചെയ്യാന് കഴിയാത്ത അവസ്ഥയിലാണ്.
ഗുരുതരമായ തോതില് വിറയലും, ഹാലുസിനേഷനും, വ്യത്യസ്തമായ ഹൃദയമിടിപ്പും നേരിടുന്നതായി ഈ ഡോക്ടര് പറയുന്നു. തലച്ചോറിന്റെ ഭാഗങ്ങളില് തടിപ്പ് രൂപപ്പെടുന്നതാണ് ഇതിന് കാരണം. മറ്റൊരു ഡോക്ടര്ക്ക് നട്ടെല്ലിന് കേടുപാട് സംഭവിക്കുകയാണ് ഉണ്ടായത്. ബ്രിട്ടീഷ് മെഡിക്കല് അസോസിയേഷന് കണക്ക് പ്രകാരം 600 ഡോക്ടര്മാര്ക്കാണ് ലോംഗ് കൊവിഡ് പിടിപെട്ടിരിക്കുന്നത്. 60% പേര്ക്കും അനാരോഗ്യവും, 48% പേര്ക്ക് വരുമാന നഷ്ടവുമാണ് ഈ പ്രതിസന്ധി മൂലം ഉണ്ടായത്.
