സഹോദരിയെ ശല്യം ചെയ്ത പ്ലസ്ടു വിദ്യാര്ത്ഥിയെ പട്ടാപകല് നടുറോഡില് വെട്ടികൊലപ്പെടുത്തി 19 കാരന്
തമിഴ്നാട്ടില് 17 വയസ്സുള്ള പ്ലസ്ടു വിദ്യാര്ത്ഥിയെ കോളജ് വിദ്യാര്ത്ഥിയായ യുവാവ് പട്ടാപ്പകല് നടുറോഡില് വെട്ടിക്കൊന്നു. ചിന്നപ്പംപെട്ടി സ്വദേശിയായ പ്രണവാണ് മരിച്ചത്. രണ്ടു വര്ഷം മുമ്പ് സഹോദരിയെ ശല്യം ചെയ്തതിലുള്ള വൈരാഗ്യവും പകയുമാണ് കൊലപാതകത്തിന് കാരണമെന്ന് പൊലീസ് വ്യക്തമാക്കി. സംഭവത്തിന് പിന്നാലെ പ്രതിയായ പേരറശന് (19) സമീപത്തെ പൊലീസ് സ്റ്റേഷനിലെത്തി കീഴടങ്ങി. സമീപത്തെ സിസിടിവിയില് പതിഞ്ഞ സംഭവത്തിന്റെ ദൃശ്യങ്ങള് പുറത്തുവന്നു.
ഉന്നത വിദ്യാഭ്യാസത്തിന് അപേക്ഷ നല്കുന്നതിനായി പോകാന് സുഹൃത്തുക്കള്ക്കൊപ്പം ബസ് കാത്തിരിക്കുമ്പോഴാണ് പ്രണവിനെ വെട്ടിക്കൊന്നത്. കോയമ്പത്തൂരിലെ ഒണ്ടിപുത്തൂര് ബസ് സ്റ്റാന്റിലാണ് ദാരുണ സംഭവം. ബൈക്കിലെത്തിയ പേരറശനും സുഹൃത്തുമാണ് ആക്രമണം നടത്തിയത്.
പ്രണവിന്റെ കണ്ണില് മുളകുപൊടിയെറിഞ്ഞ ശേഷം നിലത്തിട്ട് മാരകമായി വെട്ടുകയായിരുന്നു. കഴുത്തിന് ഉള്പ്പെടെ ഗുരുതര പരുക്കേറ്റ പ്രണവ് പിന്നീട് മരണത്തിന് കീഴടങ്ങി.പ്രതി സ്റ്റേഷനിലെത്തി കീഴടങ്ങി.
