കോഴിക്കോട്: പയ്യോളി അയനിക്കാടില് അച്ഛനെയും പെണ്മക്കളെയും മരിച്ചനിലയില് കണ്ടെത്തി. പുതിയോട്ടില് സുമേഷ് (42), മക്കളായ ഗോപിക(15), ജ്യോതിക(10) എന്നിവരെയാണ് മരിച്ചനിലയില് കണ്ടെത്തിയത്. വ്യാഴാഴ്ച രാവിലെയാണ് സംഭവം.
മക്കളെ വിഷം നല്കി കൊലപ്പെടുത്തിയ ശേഷം സുമേഷ് ട്രെയിനിനു മുന്നില് ചാടുകയായിരുന്നുവെന്നാണ് പോലീസിന്റെ നിഗമനം. വ്യാഴാഴ്ച രാവിലെ 8.30-നുള്ള പരശുറാം എക്സ്പ്രസ് കടന്നുപോയതിന് ശേഷമാണ് യുവാവിന്റെ മൃതദേഹം ട്രാക്കില് കിടക്കുന്നത് അധികൃതരുടെ ശ്രദ്ധയില്പ്പെടുന്നത്. തുടര്ന്ന് നടത്തിയ അന്വേഷണത്തില് മൃതദേഹം മൃതദേഹം സുമേഷിന്റേതാണെന്ന് തിരിച്ചറിഞ്ഞു.
ഇതിന് പിന്നാലെ ഇയാളുടെ വീട്ടിലെത്തി നടത്തിയ അന്വേഷണത്തിലാണ് മക്കളെയും മരിച്ച നിലയില് കണ്ടെത്തിയത്. രണ്ട് വര്ഷം മുമ്പ് കോവിഡ് ബാധിച്ച് സുമേഷിന്റെ ഭാര്യ സ്വപ്ന മരിച്ചിരുന്നു. പയ്യോളി പോലീസ് സ്ഥലത്തെത്തി അന്വേഷണം ആരംഭിച്ചു.
