ഗ്രേറ്റ് ബ്രിട്ടന് രൂപതയിലെ വിവിധ ഇടവകകളിലും , മിഷന് കേന്ദ്രങ്ങളിലും നടന്ന വിശുദ്ധ വാര തിരുക്കര്മ്മങ്ങളില് പങ്കു ചേര്ന്നത് ആയിരങ്ങള് , കത്തീഡ്രലിലെ തിരുക്കര്മ്മങ്ങള്ക്ക് കാര്മികത്വം വഹിച്ച് മാര് ജോസഫ് സ്രാമ്പിക്കല് . ഉയിര്പ്പ് തിരുന്നാള് കര്മ്മങ്ങള്ക്കും വിപുലമായ ഒരുക്കങ്ങള്
പ്രെസ്റ്റന് ഗ്രേറ്റ് ബ്രിട്ടന് സീറോ മലബാര് രൂപതയുടെ വിവിധ ഇടവകകളിലും ,മിഷന് കേന്ദ്രങ്ങളിലും വിശുദ്ധ വാര തിരുക്കര്മ്മങ്ങള് നടന്നു. ഉയിര്പ്പ് തിരുനാള് തിരുക്കര്മ്മങ്ങളോടെ സമാപിക്കുന്ന തിരുക്കര്മ്മങ്ങളില് പങ്കെടുക്കുവാന് എല്ലാ കേന്ദ്രങ്ങളിലും വിപുലമായ ഒരുക്കങ്ങളാണ് ഏര്പ്പെടുത്തിയിരുന്നത്.
വിവിധ ഇടവകകളിലും ,മിഷന് കേന്ദ്രങ്ങളിലുമായി നടന്ന പെസഹാ, ദുഃഖ വെള്ളി കര്മ്മങ്ങളില് ആയിരക്കണക്കിന് വിശ്വാസികള് ആണ് പങ്കു ചേര്ന്നത് , പ്രെസ്റ്റണിലെ കത്തീഡ്രല് ദേവാലയത്തില് നടന്ന പെസഹാ വ്യാഴം , പീഡാനുഭവ വെള്ളി തിരുക്കര്മ്മങ്ങള്ക്ക് രൂപതാധ്യക്ഷന് മാര് ജോസഫ് സ്രാമ്പിക്കല് കാര്മികത്വം വഹിച്ചു .
പെസഹാ തിരുക്കര്മ്മങ്ങളോടനുബന്ധിച്ചു നടന്ന കാല് കഴുകല് ശുശ്രൂഷക്കും അദ്ദേഹം കാര്മികത്വം വഹിച്ചു . ദുഃഖ ശനിയായഴ്ച വൈകുന്നേരം ആറ് മുപ്പതിന് ജ്ഞാനസ്നാന വൃത നവീകരണവും , പുത്തന് തീയും വെള്ളവും വെഞ്ചരിപ്പ് ശുശ്രൂഷയും നടക്കും , തുടര്ന്ന് ഉയിര്പ്പ് തിരുക്കര്മ്മങ്ങളും നടക്കും രൂപതാധ്യക്ഷന് മാര് ജോസഫ് സ്രാമ്പിക്കല് കാര്മികത്വം വഹിക്കും . ഞായറാഴ്ച രാവിലെ 9 . 30 നും വിശുദ്ധ കുര്ബാന ഉണ്ടായിരിക്കും , രൂപതയുടെ വിവിധ കേന്ദ്രങ്ങളില് നടക്കുന്ന വിശുദ്ധ വാര തിരുക്കര്മ്മങ്ങളെക്കുറിച്ചുള്ള വിവരങ്ങള് താഴെയുള്ള രൂപത വെബ്സൈറ്റില് നിന്നും ലഭ്യമാണ് .
