മകനേയും കുടുംബത്തേയും കാണാന് വിസിറ്റിംഗ് വിസയില് യുകെയിലെത്തിയ പിതാവിന് അപ്രതീക്ഷിത വിയോഗം. നാട്ടില് കാസര്ഗോഡ് കല്ലാര് സ്വദേശിയായ നീലാറ്റുപാറ മാത്തച്ചന് (71) ആണ് വിട വാങ്ങിയത്. ബ്ലാക്ക് പൂളിലെ ഡിബിന്റെ പിതാവാണ്. മൂന്നു വര്ഷം മുന്നേ യുകെയിലെത്തിയ ഡിബിനും കുടുംബത്തിനും ഒപ്പം അവധിക്കാലം ചെലവഴിക്കാന് ഒരു മാസം മുന്നേയാണ് മാത്തച്ചനും ഭാര്യയും ബ്ലാക്ക് പൂളിലെത്തിയത്.
എന്നാല് ഞായറാഴ്ച വെളുപ്പിന് 12.30 ഓടെ മാത്തച്ചനെ വയറു വേദനയെ തുടര്ന്ന് ബ്ലാക്ക്പൂളിലെ വിക്ടോറിയ ആശുപത്രിയില് അഡ്മിറ്റ് ചെയ്തു. ആശുപത്രിയില് അഡ്മിറ്റ് ചെയ്ത ഉടനെ കാര്ഡിയാക് യൂണിറ്റിലേക്ക് മാറ്റുകയായിരുന്നു. ഹൃദയാഘാതമാണ് മരണകാരണമായത്.
മകന് ഡിബിനും മരുമകള് ജോഷ്നിയും ബ്ലാക്ക്പൂള് വിക്ടോറിയ ആശുപത്രിയില് തന്നെ ജോലി ചെയ്യുന്നവരാണ്. മാത്തച്ചന്റെ മൃതദേഹം നാട്ടിലേക്ക് കൊണ്ടുപോകാനുള്ള ശ്രമങ്ങളാണ് നടത്തുന്നത്.
