തെക്കന് വെയില്സിലെ സ്കൂളില് നടന്ന കത്തിയാക്രമണത്തില് മൂന്നു പേര്ക്ക് പരിക്കേറ്റു. സംഭവവുമായി ബന്ധപ്പെട്ടു കൗമാരക്കാരിയെ അറസ്റ്റ് ചെയ്തു. 11 നും 18 നും ഇടയിലുള്ള 1800 ഓളം കുട്ടികള് പഠിക്കുന്ന സ്കൂളില് നടന്ന സംഭവം യുകെയിലുടനീളം ഞെട്ടലുളവാക്കി.
സംഭവത്തിനോട് ബന്ധപ്പെട്ട ചിത്രങ്ങള് സമൂഹമാധ്യമങ്ങളില് നിന്ന് നീക്കം ചെയ്യാന് പോലീസ് ആവശ്യപ്പെട്ടിട്ടുണ്ട്. കത്തി കുത്ത് നടന്നതായുള്ള വാര്ത്തകളെ തുടര്ന്ന് ആശങ്കാകുലരായ രക്ഷിതാക്കള് സ്കൂള് ഗേറ്റിന് പുറത്ത് തിങ്ങി കൂടി നില്ക്കുന്നതിന്റെ ചിത്രങ്ങള് പുറത്തു വന്നിരുന്നു.
സംഭവത്തില് പ്രധാനമന്ത്രി റിഷി സുനക് കടുത്ത ഞെട്ടല് രേഖപ്പെടുത്തി. സംഭവത്തെ തുടര്ന്ന് അടിയന്തിര സേവനം നടത്തിയവര്ക്ക് അദ്ദേഹം നന്ദി പറഞ്ഞു . സ്കൂള് നിലവില് കോഡ് റെഡ് വിഭാഗത്തില് പെടുത്തിരിക്കുകയാണ്. അപകടത്തെ തുടര്ന്ന് രക്ഷാപ്രവര്ത്തനത്തിനായി എയര് ആംബുലന്സ് സ്കൂളില് എത്തിയിരുന്നു. അച്ചടക്കവും മികച്ച കുട്ടികള് പഠിക്കുന്ന സ്കൂളും ആണ് ഇതെന്നും എന്നതാണ് സംഭവിച്ചതെന്ന് അറിയില്ലെന്ന് ഒരു രക്ഷിതാവ് മാധ്യമങ്ങളോട് പ്രതികരിച്ചു.
