'ജന ഗണ മന' എന്ന ചിത്രത്തിന് ശേഷം ഡിജോ ജോസ് ആന്റണി സംവിധാനം ചെയ്ത നിവിന് പോളി ചിത്രം 'മലയാളി ഫ്രം ഇന്ത്യ'ക്കെതിരെ സോഷ്യല് മീഡിയയില് കോപ്പിയടി ആരോപണമുയര്ന്നിരുന്നു.
കുഞ്ചാക്കോ ബോബന്, ബിജു മേനോന് എന്നിവര് പ്രധാന വേഷത്തിലെത്തിയ ‘ഓര്ഡിനറി’ എന്ന ചിത്രത്തിന്റെ തിരക്കഥാകൃത്ത് നിഷാദ് കോയയാണ് റിലീസിന് തലേദിവസം തന്റെ ഫേസ്ബുക്ക് പേജിലൂടെ ‘നാളെ റിലീസ് ആകുന്ന ഒരു സിനിമയുടെ കഥ പ്രവചിച്ചാലോ’ എന്നുതുടങ്ങുന്ന കുറിപ്പ് പങ്കുവെച്ചത്. നിഷാദ് കോയ പങ്കുവെച്ച കുറിപ്പിലെ കഥയുമായി മലയാളി ഫ്രം ഇന്ത്യക്ക് സാമ്യമുള്ളതിനാല് വലിയ ചര്ച്ചകള്ക്കാണ് അത് വഴിതുറന്നത്.
ഇപ്പോഴിതാ സംഭവത്തില് വിശദീകരണവുമായി രംഗത്തെത്തിയിരിക്കുകയാണ് ചിത്രത്തിന്റെ നിര്മ്മാതാവ് ലിസ്റ്റിന് സ്റ്റീഫന്. ഒന്നേകാല് വര്ഷം മുമ്പ് സ്റ്റാര്ട്ട് ചെയ്ത സിനിമയാണിതെന്നും, ഇങ്ങനെ ചെയ്തത് വളരെ മോശമായിപ്പോയെന്നുമാണ് ലിസ്റ്റിന് പറയുന്നത്.
'സിനിമ റിലീസാകുന്നതിന്റെ തലേ ദിവസം അയാള് ഫേസ്ബുക്കില് എഴുതിയിരിക്കുകയാണ്, നാളെ റിലീസാകുന്ന സിനിമയുടെ കഥ പ്രവചിച്ചാലോ എന്ന്. അയാളും ഒരുപാട് സിനിമകള് എഴുതിയ റൈറ്ററല്ലേ, ഇങ്ങനെയാണോ ചെയ്യേണ്ടത്. വളരെ മോശമായിപ്പോയി. പ്രൊഡ്യൂസേഴ്സ് അസോസിയേഷനായിക്കോട്ടെ, ഫെഫ്കയായിക്കോട്ടെ, അവരും പറഞ്ഞത് ഈ പ്രവര്ത്തി വളരെ മോശമായി എന്നാണ്. അതുകൊണ്ടാണ് അയാള് ആ പോസ്റ്റ് ഡിലീറ്റ് ചെയ്തത്. ഇങ്ങനെയാണോ അയാള് ചെയ്യേണ്ടത്? ഒന്നേകാല് വര്ഷം മുമ്പ് സ്റ്റാര്ട്ട് ചെയ്ത സിനിമയാണിത്. അപ്പോള് അയാള് പറയുന്നതില് എന്ത് പ്രസക്തിയുണ്ട്?” എന്നാണ് ദി ക്യു സ്റ്റുഡിയോക്ക് നല്കിയ അഭിമുഖത്തില് ലിസ്റ്റിന് സ്റ്റീഫന് പറഞ്ഞത്.
ക്വീന്, ജന ഗണ മന എന്നീ ചിത്രങ്ങള്ക്ക് ശേഷം ഷാരിസ് മുഹമ്മദ്- ഡിജോ ജോസ് ആന്റണി കൂട്ടുകെട്ട് ഒന്നിക്കുന്ന ചിത്രം കൂടിയാണ് മലയാളി ഫ്രം ഇന്ത്യ.
അനശ്വര രാജന്, അജു വര്ഗീസ്, മഞ്ജു പിള്ള എന്നിവരും ചിത്രത്തില് വേഷമിടുന്നുണ്ട്. ഗരുഡന് എന്ന സൂപ്പര് ഹിറ്റ് ചിത്രത്തിന് ശേഷം മാജിക്ക് ഫ്രെയിംസിന്റെ ബാനറില് ലിസ്റ്റിന് സ്റ്റീഫനാണ് ചിത്രം നിര്മ്മിച്ചിരിക്കുന്നത്.
ജേക്സ് ബിജോയ് ആണ് ചിത്രത്തിന് വേണ്ടി സംഗീത സംവിധാനം നിര്വഹിച്ചിരിക്കുന്നത്. ഷാരിസ് മുഹമ്മദ് ആണ് ചിത്രത്തിന് വേണ്ടി തിരക്കഥയൊരുക്കിയിരിക്കുന്നത്. സുദീപ് ഇളമണ് ആണ് ചിത്രത്തിന് ഛായാഗ്രഹണം നിര്വഹിച്ചിരിക്കുന്നത്.
