ആറാട്ടണ്ണന് ഇടയ്ക്ക് വിളിക്കും, ബ്ലോക്കൊന്നും ചെയ്തില്ല; എനിക്ക് പാവം തോന്നാറുണ്ട് -അനാര്ക്കലി മരിക്കാര്
ആറാട്ട് സിനിമയുടെ റിവ്യൂവിലൂടെ സൈബര് ലോകത്ത് ശ്രദ്ധേയനായ വ്യക്തിയാണ് ആറാട്ടണ്ണന് എന്ന് അറിയപ്പെടുന്ന സന്തോഷ് വര്ക്കി. നിരന്തരം ട്രോളുകള് വന്നിട്ടും ക്യാമറകള്ക്ക് മുമ്പില് സംസാരിക്കുന്നത് നിര്ത്താന് സന്തോഷ് വര്ക്കി തയ്യാറായിട്ടില്ല. ഇപ്പോഴിതാ സന്തോഷ് വര്ക്കിയെക്കുറിച്ച് സംസാരിക്കുകയാണ് നടി അനാര്ക്കലി മരിക്കാര്. തന്നെ ഇടയ്ക്കിടെ വിളിക്കുന്ന വ്യക്തിയാണ് സന്തോഷ് വര്ക്കിയെന്ന് അനാര്ക്കലി പറയുന്നു.
ആറാട്ടണ്ണന് ഇടയ്ക്ക് എന്നെ വിളിക്കാറുണ്ട്. എനിക്ക് പുള്ളിയില് തെറ്റായാെന്നും ഫീല് ചെയ്തിട്ടില്ല. പുള്ളി ഒരു 20 സെക്കന്റില് കൂടുതല് സംസാരിക്കില്ല. ഇടയ്ക്ക് ബുദ്ധിമുട്ടിക്കും. എന്തെങ്കിലും പരിപാടിയിലാണെങ്കില് ഫോണ് എടുക്കില്ല. എടുത്തില്ലെങ്കില് പിന്നെയും പിന്നെയും വിളിക്കും. ഞാന് ബ്ലോക്കൊന്നും ചെയ്തില്ല. എനിക്ക് പാവം തോന്നാറുണ്ട്. പുള്ളി ഇടയ്ക്ക് വിളിച്ച് ഹലോ, അനാര്ക്കലി വളരെ സുന്ദരിയാണ്, ബോള്ഡാണ് അപ്പോ ഓക്കെ എന്ന് പറഞ്ഞ് ഫോണ് വെക്കുമെന്നും നടി പറയുന്നു. ഒരു യൂട്യൂബ് ചാനലിലാണ് നടിയുടെ പ്രതികരണം.
വിനോദ് ലീല സംവിധാനം ചെയ്യുന്ന ‘മന്ദാകിനി’യാണ് അനാര്ക്കലിയുടെ ഏറ്റവും പുതിയ ചിത്രം. സംവിധായകനും സഹനടനുമായി തിളങ്ങിയ അല്ത്താഫ് ആദ്യമായി നായകനായി എത്തുന്ന ചിത്രം കൂടിയാണ് മന്ദാകിനി. സ്പൈര് പ്രൊഡക്ഷന്സിന്റെ ബാനറില് സഞ്ജു ഉണ്ണിത്താന് ആണ് ചിത്രം നിര്മ്മിക്കുന്നത്.
