ബോണ്മൗത്ത് ബീച്ചില് യുവതി കുത്തേറ്റ് മരിച്ച സംഭവത്തില് 17 വയസ്സുകാരനെ പോലീസ് അറസ്റ്റ് ചെയ്തു. മറ്റൊരു സ്ത്രീയ്ക്ക് ഗുരുതരമായി പരിക്കേറ്റു. കൊലപാതകത്തിലേക്ക് നയിച്ച കാരണങ്ങളെ കുറിച്ച് പോലീസ് അന്വേഷിച്ചു കൊണ്ടിരിക്കുകയാണ്. ദൃക്സാക്ഷികളായിട്ടുള്ളവര് വിവരം കൈമാറണമെന്ന് പോലീസ് അഭ്യര്ത്ഥിച്ചിട്ടുണ്ട്.
34 വയസുകാരിയായ യുവതി സംഭവസ്ഥലത്ത് വച്ചു മരിച്ചിരുന്നു. 38 വയസുള്ള മറ്റൊരു സ്ത്രീയെ ഗുരുതരമായ പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ് . വെള്ളിയാഴ്ച അര്ദ്ധരാത്രിക്ക് മുന്പ് ഡര്ലി ചൈന് ബീച്ചിലാണ് 17 വയസുകാരനായ കൗമാരക്കാരന് ആക്രമണം അഴിച്ചുവിട്ടത്. സംഭവത്തെ തുടര്ന്ന് പോലീസ് അന്വേഷണം നടക്കുന്നതിനാല് ബീച്ച് അടച്ചിട്ടിരിക്കുകയാണ്.
കൗമാരക്കാരനായ പ്രതി ലങ്കാ ഷെയറില് നിന്നുള്ള ആളാണെന്നാണ് പുറത്തുവരുന്ന റിപ്പോര്ട്ടുകള് സൂചിപ്പിക്കുന്നത്. സംഭവത്തെകുറിച്ച് വിശദമായ അന്വേഷണം നടത്തിവരികയാണെന്ന് ഡിറ്റക്ടീവ് സൂപ്രണ്ട് റിച്ചാര്ഡ് ഡിക്സെ പറഞ്ഞു. ഡര്ലി ചൈന് ബീച്ച് ബോണ്മൗത്തിന്റെ പടിഞ്ഞാറ് ഭാഗത്തുള്ള കടല്ത്തീരമാണ്.
