സെന്ട്രല് ലണ്ടനിലുണ്ടായ വാതക ചോര്ച്ചയെ തുടര്ന്ന് ആയിരക്കണക്കിന് ആളുകളെ കെട്ടിടങ്ങളില് നിന്ന് ഒഴിപ്പിച്ചു. സൗത്ത്വാര്ക്ക് ബറോയിലെ സൗത്ത്വാര്ക്ക് സ്ട്രീറ്റില് നിന്നാണ് അഗ്നിശമന സേനാംഗങ്ങള് ആളുകളെ ഒഴിപ്പിച്ചത്. 'ഗ്യാസ് ലീക്ക് വേര്തിരിക്കാനും രംഗം സുരക്ഷിതമാക്കാനും പ്രവര്ത്തിക്കുന്ന ഗ്യാസ് ബോര്ഡ് പോലെ' മറ്റ് അടിയന്തര സേവനങ്ങളും അവിടെയുണ്ട് എന്ന് ലണ്ടന് അഗ്നിശമനസേന (എല്എഫ്ബി) പറഞ്ഞു.
സംഭവത്തെ തുടര്ന്ന് പ്രദേശത്തു ഗതാഗതം വളരെയധികം തടസപ്പെട്ടു. മുന്കരുതല് എന്ന നിലയില് ഒരു വലയം സൃഷ്ടിച്ചിട്ടുണ്ട്. രണ്ടായിരത്തോളം പേരെ കെട്ടിടങ്ങളില് നിന്ന് പെട്ടെന്ന് ഒഴിപ്പിച്ചു.
ഗ്രേറ്റ് സഫോക്ക് സ്ട്രീറ്റിലെ ജംഗ്ഷനില് നടന്ന സംഭവത്തെത്തുടര്ന്ന് ആര്ക്കും പരിക്കുകളൊന്നും റിപ്പോര്ട്ട് ചെയ്തിട്ടില്ല. ഒഴിപ്പിക്കപ്പെട്ടവരില് വലിയൊരു വിഭാഗം പ്രദേശം വിട്ടുപോയതായി എല്എഫ്ബി പിന്നീട് പറഞ്ഞു.
ബുധനാഴ്ച ഉച്ചകഴിഞ്ഞ് 3 മണിക്ക് മുമ്പ് X-ലെ ഒരു പോസ്റ്റില് അഗ്നിശമന സേന വക്താവ് പറഞ്ഞത്: സൗത്ത്വാര്ക്ക് സ്ട്രീറ്റില് വാതക ചോര്ച്ചയെന്ന് സംശയിക്കുന്ന സ്ഥലത്താണ് ഞങ്ങള്. എമര്ജന്സി സര്വീസ് സഹപ്രവര്ത്തകരും ഹാജരുണ്ട്.
