നടി മീര നന്ദന് ഗുരുവായൂരില് വിവാഹിതയായി. ലണ്ടനില് അക്കൗണ്ടന്റ് ആയ ശ്രീജുവാണ് വരന്. മാട്രിമോണി സൈറ്റ് വഴിയാണ് ഇരുവരും പരിചയപ്പെട്ടത്. പിന്നീട് വീട്ടുകാരുടെ സാന്നിധ്യത്തില് വിവാഹം ഉറപ്പിക്കുകയായിരുന്നു. കഴിഞ്ഞ വര്ഷം സെപ്റ്റംബര് മാസത്തിലാണ് മീര നന്ദനും ശ്രീജുവുമായുള്ള വിവാഹനിശ്ചയം നടന്നത്.
അടുത്ത സുഹൃത്തുക്കളായ നസ്രിയ നസിം, ശ്രിന്ദ, തുടങ്ങിയവര് മീരയുടെ വിവാഹത്തിന് മുന്നോടിയായി നടന്ന ചടങ്ങുകളില് പങ്കെടുത്തിരുന്നു. കൂടാതെ സെലിബ്രിറ്റി മേക്കപ്പ് ആര്ട്ടിസ്റ്റുമാരായ ഉണ്ണി പിഎസ്, സജിത്ത് ആന്ഡ് സുജിത്ത് എന്നിവരും ചടങ്ങില് പങ്കെടുത്തു. മലയാള സിനിമയില് സജീവമല്ലാതിരുന്ന നാളുകളില് മീര നന്ദന് ദുബായിയില് ആര്.ജെയായി പ്രവര്ത്തിച്ചു വരികയായിരുന്നു.
