വീട്ടിലേക്ക് മടങ്ങവെ കൗമാരക്കാര് ആളുമാറി കുത്തിക്കൊന്ന ഇന്ത്യന് വംശജനായ 16-കാരന്റെ സ്മരണയില് പുതിയ നിയമവുമായി ലേബര് സര്ക്കാര്. 2022-ല് സുഹൃത്തിന്റെ അരികില് നിന്നും വീട്ടിലേക്ക് മടങ്ങവെയാണ് 16-കാരന് പഞ്ചാബ് സ്വദേശിയായ റോനാന് കാണ്ട കൊല്ലപ്പെട്ടത്. പ്രദ്ജീത്ത് വേദാസ, സുഖ്മാന് ഷെര്ഗില് എന്നിവരാണ് കൊല നടത്തിയത്.
ഓണ്ലൈനില് നിന്നും വാങ്ങിയ വലിയ കോടാലിയും, മറ്റ് ആയുധങ്ങളും ഉപയോഗിച്ചാണ് വേദാസ റോണാനെ അക്രമിച്ചത്. പണം കടം വാങ്ങിയിരുന്ന ഒരു സുഹൃത്തിനെ ലക്ഷ്യം വെച്ചാണ് ഇവര് എത്തിത്. എന്നാല് സംഭവദിവസം 16-കാരനായ റോണാന് ഇവരുടെ മുന്നില് പെടുകയായിരുന്നു.
സംഭവത്തില് രണ്ട് അക്രമികള്ക്കും 34 വര്ഷത്തെ ജയില്ശിക്ഷയാണ് ലഭിച്ചത്. ഇതിന്റെ പശ്ചാത്തലത്തിലാണ് മാരകമായ കത്തികള് ഓണ്ലൈനില് വാങ്ങുകയും, കൈവശം സൂക്ഷിക്കുകയും ചെയ്യുന്നത് നിയമവിരുദ്ധമാക്കുന്ന നിയമം അവതരിപ്പിക്കാനാണ് റോണാന്റെ പേരിലുള്ള നിയമം വഴി ഉദ്ദേശിക്കുന്നത്.
ബ്രിട്ടനിലെ തെരുവുകളിലെ അരാജകത്വം പരിഹരിക്കാന് നടപടിയെടുക്കുന്ന ഗവണ്മെന്റ് ഒരു ദശകത്തിനുള്ളില് കത്തി കുറ്റകൃത്യങ്ങള് പകുതിയാക്കി കുറയ്ക്കാനാണ് ലക്ഷ്യമിടുന്നത്. രാജാവിന്റെ നയപ്രഖ്യാപനത്തിലാണ് ഇതുസംബന്ധിച്ച ആദ്യ പ്രഖ്യാപനം ഉണ്ടായിരിക്കുന്നത്.
