യുകെയില് കത്തിപ്പടരുന്ന കുടിയേറ്റ വിരുദ്ധ കലാപത്തില് മലയാളി സമൂഹം കടുത്ത ആശങ്കയില്. ലിവര്പൂളിലെ സൗത്ത് പോര്ട്ടില് മൂന്നു കുട്ടികളുടെ ദാരുണമായ കൊലപാതകത്തെത്തുടര്ന്ന് പൊട്ടിപ്പുറപ്പെട്ട ജനരോ..ജനരോഷം വിവിധ പട്ടണങ്ങളില് കുടിയേറ്റ വിരുദ്ധ കലാപമായി മാറുകയായിരുന്നു.
ബെല്ഫാസ്റ്റില് താമസിക്കുന്ന മലയാളി യുവാവിനു നേരെയും പ്രതിഷേധക്കാര് കഴിഞ്ഞ ദിവസം ആക്രമണം അഴിച്ചു വിട്ടു. ഇദ്ദേഹം ജോലി കഴിഞ്ഞു മടങ്ങുമ്പോള് രാത്രിയിലായിരുന്നു ആക്രമണം.
ഇയാള് നടന്നു പോകുമ്പോള് പിന്നില് നിന്നു തല്ലി താഴെയിട്ട ശേഷം കൂട്ടം ചേര്ന്നു നിലത്തിട്ടു ചവിട്ടുകയായിരുന്നു. പരുക്കേറ്റ ഇദ്ദേഹം ആശുപത്രിയില് ചികിത്സ തേടി എത്തിയതോടെ ആശുപത്രി അധികൃതര് പൊലീസില് അറിയിച്ചതായാണ് വിവരം. യുവാവിനു ഗുരുതരമായ പരുക്കുകളില്ല. പ്രായപൂര്ത്തിയാകാത്തവരാണ് ആക്രമണത്തിനു നേതൃത്വം നല്കുന്നവരില് ഏറെയും.
സംഭവത്തിനു പിന്നാലെ, പ്രക്ഷോഭ മേഖലയില് താമസിക്കുന്ന മലയാളികള് ജാഗ്രത പുലര്ത്തണമെന്നും അനാവശ്യമായും ഒറ്റപ്പെട്ടും നഗരത്തില് ചുറ്റി നടക്കരുതെന്നും വാട്സാപ് ഗ്രൂപ്പുകളിലൂടെ മലയാളി സംഘടനകള് ഉള്പ്പടെ മുന്നറിയിപ്പു നല്കിയിട്ടുണ്ട്. കൂട്ടമായി മലയാളം സംസാരിച്ചു മറ്റുള്ളവരെ പ്രകോപിപ്പിക്കുന്നതില് നിന്നു വിട്ടു നില്ക്കണമെന്നും നിര്ദേശമുണ്ട്.
അടുത്തിടെ യുകെയില് എത്തിയവര് കൂടുതല് ശ്രദ്ധിക്കണം. ഇംഗ്ലണ്ടില് ഉള്പ്പടെ കറുത്തവര്ക്കും ഏഷ്യക്കാര്ക്കും എതിരെ ആക്രണമങ്ങള് തുടര്ച്ചയായി റിപ്പോര്ട്ടു ചെയ്യപ്പെടുന്ന സാഹചര്യത്തിലാണ് ഇത്.
ബെല്ഫാസ്റ്റില് അക്രമികള് ഏഷ്യന് ഉല്പന്നങ്ങള് വില്ക്കുന്ന കടയ്ക്കു കഴിഞ്ഞ ദിവസം തീയിട്ടിരുന്നു. ഇപ്പോഴും നഗരത്തില് പ്രതിഷേധ പ്രകടനങ്ങള് തുടരുന്നുണ്ട്. ലിവര്പൂളില് കഴിഞ്ഞ ദിവസം ഏഷ്യന് യുവാവിനു കുത്തേറ്റിരുന്നു.
ഇതിനകം മാഞ്ചസ്റ്റര്, ലിവര്പൂള്, ഹള്, സ്റ്റോക് തുടങ്ങിയ സ്ഥലങ്ങളില് നിന്നടക്കം ഇരുന്നൂറോളം പേരെ പൊലീസ് അറസ്റ്റു ചെയ്തിട്ടുണ്ട്.
സൗത്ത് പോര്ട്ടില് മൂന്നു പെണ്കുഞ്ഞുങ്ങള് കുത്തേറ്റു മരിച്ച സംഭവത്തിനു പിന്നാലെ സമൂഹമാധ്യമങ്ങളിലൂടെ പ്രചരിച്ച വ്യാജ സന്ദേശങ്ങളിലൂടെയാണ് കുടിയേറ്റ വിരുദ്ധ പ്രതിഷേധം ശക്തമാകുന്നത്. വിവിധ സ്ഥലങ്ങളില് നടന്ന ആക്രണങ്ങളില് പൊലീസുകാര് ഉള്പ്പടെ നിരവധിപ്പേര് ആക്രമണത്തിന് ഇരയായി.
