യുകെ മലയാളികളെ ഞെട്ടിച്ചു കൊണ്ട് തുടര് മരണങ്ങള്. അതില്ത്തന്നെ രണ്ടു ദിവസത്തിനിടെ രണ്ടു യുവാക്കള് ജീവനൊടുക്കി എന്നതാണ് ഏറെ നടുക്കം സൃഷ്ടിക്കുന്നത്. പ്രസ്റ്റണില് മലയാളി യുവാവ് അനീഷ് ജോയിയെ ആണ് ആത്മഹത്യചെയ്ത നിലയില് കണ്ടെത്തിയത്.
നാലു വര്ഷം മുമ്പ് യുകെയിലെത്തിയ അനീഷ് ഭാര്യ ടിന്റു അഗസ്റ്റിനും രണ്ടു മക്കള്ക്കും ഒപ്പമായിരുന്നു കുടുംബസമേതം പ്രസ്റ്റണ് ലങ്കെന്ഷെയറില് കഴിഞ്ഞിരുന്നത്. ലങ്കന്ഷെയര് ആന്റ് സൗത്ത് കുംബ്രിയ എന്എച്ച്എസ് ഫൗണ്ടേഷന് ട്രസ്റ്റ് ജീവനക്കാരനായിരുന്നു. ഭാര്യ ടിന്റു എന്എച്ച്എസ് നഴ്സാണ്.
കുടുംബ പ്രശനങ്ങളെ തുടര്ന്ന് രണ്ടു ദിവസം മുമ്പ് അനീഷിനെ പോലീസ് അറസ്റ്റു ചെയ്തിരുന്നതായി പറയപ്പെടുന്നു. ജാമ്യം ലഭിച്ചതിനു പിന്നാലെ താമസ സ്ഥലത്തു എത്തിയ അനീഷ് ആത്മഹത്യ കുറിപ്പ് എഴുതി വച്ച ശേഷം ജീവനൊടുക്കുകയായിരുന്നു. ഇന്നലെ വൈകിട്ടോടെ ഫോണില് വിളിച്ചിട്ട് കിട്ടാതിരുന്നതിനെ തുടര്ന്ന് സുഹൃത്തുക്കള് പൊലീസിനെ അറിയിക്കുകയും മറ്റൊരു താക്കോല് ഉപയോഗിച്ച് മുറിയുടെ ഡോര് തുറന്നു നോക്കുകയും ചെയ്തപ്പോഴാണ് ആത്മഹത്യ ചെയ്ത നിലയില് കണ്ടെത്തിയത്. കുറിപ്പ് പൊലീസ് കണ്ടെടുക്കുകയും ഭാര്യയ്ക്ക് കൈമാറുകയും ചെയ്തിട്ടുണ്ട്. നാട്ടില് ഇടുക്കി കട്ടപ്പന സ്വദേശിയാണ് അനീഷ് ജോയ്. കോണ്ഗ്രസ് മുന് കട്ടപ്പന മണ്ഡലം മുന് പ്രസിഡണ്ട് ജോയി പോരുന്നോലിയുടെ മകനാണ്.
രണ്ടു ദിവസമായി യുകെ മലയാളികളെ തേടി തുടര്ച്ചയായ മരണ വാര്ത്തകളാണ് എത്തുന്നത്. റെഡ്ഡിച്ചിലെ സോണിയ വീട്ടില് കുഴഞ്ഞു വീണു മരിച്ചതിനു പിന്നാലെ ഭര്ത്താവ് റോണി ആത്മഹത്യചെയ്തെന്ന ദാരുണമായ വേദനിപ്പിക്കുന്ന വാര്ത്തയായിരുന്നു ഇന്നലെ എത്തിയത്. പിന്നാലെ കഴിഞ്ഞ രണ്ടു വര്ഷമായി കാന്സര് ചികിത്സയിലായിരുന്ന മെയ്ഡ്സ്റ്റണിലെ ബിന്ദു വിമലും മരണത്തിനു കീഴടങ്ങിയെന്ന വാര്ത്തയും എത്തി.
