യുവനടിയുടെ ലംഗിക പീഡന പരാതിയില് 'അമ്മ മുന് ജനറല് സെക്രട്ടറിയായ നടന് സിദ്ദിഖിനെതിരെ കേസെടുത്തു. ബലാത്സംഗത്തിനും ഭീഷണിപ്പെടുത്തിയതിനുമാണ് കേസെടുത്തിരിക്കുന്നത്. ജാമ്യം കിട്ടാത്ത, ഗുരുതരകുറ്റം ചുമത്തിയാണ് മ്യൂസിയം പൊലീസ് കേസ് എടുത്തത്. മാസ്കറ്റ് ഹോട്ടലില് വച്ച് പരാതിക്കാരിയെ 2016ല് നടന് സിദ്ദിഖ് ബലാത്സംഗം ചെയ്തുവെന്നാണ് എഫ്ഐആര്.
ഡിജിപിക്ക് ഇമെയില് മുഖേനെയാണ് നടി പരാതി നല്കിയത്. സിനിമയില് അവസരം വാഗ്ദാനം ചെയ്ത് വിളിച്ച് വരുത്തി 2016ല് തിരുവനന്തപുരത്തെ ഹോട്ടലില് വെച്ച് ബലാത്സംഗം ചെയ്തെന്നായിരുന്നു നടിയുടെ വെളിപ്പെടുത്തല്. പിന്നാലെ സിദ്ദിഖ് അമ്മ ജനറല് സെക്രട്ടറി സ്ഥാനം രാജി വെച്ചിരുന്നു. പരാതി പ്രത്യേക സംഘത്തിന് കൈമാറി. സിനിമയില് അവസരം വാദ്ഗാനം ചെയ്തായിരുന്നു പീഡനം.
സമൂഹ മാധ്യമങ്ങളിലൂടെ നേരത്തെ നടി വിഷയം ഉന്നയിച്ചിരുന്നു. എന്നാല് ഇതൊന്നും കൂസാതെ യുവനടിയെ വെല്ലുവിളിച്ച സിദ്ദിഖ് താരസംഘടനയായ അമ്മയുടെ ജനറല് സെക്രട്ടറി സ്ഥാനത്തേക്ക് മത്സരിച്ചു ജയിച്ചു. ഒടുവില് ഹേമാ കമ്മിറ്റി റിപ്പോര്ട്ട് പുറത്ത് വന്നതോടെയാണ് നടി മാധ്യമങ്ങള്ക്ക് മുന്നില് സിദ്ദിഖിന്റെ പേരെടുത്ത് പറഞ്ഞ് ആരോപണം ആവര്ത്തിച്ചത്. പിന്നാലെ താരസംഘടന അമ്മയുടെ ജനറല് സെക്രട്ടറി സ്ഥാനത്ത് നിന്നും സിദ്ദിഖ് രാജി വെക്കുകയായിരുന്നു.
