കോവിഡ് വാക്സിന് കിട്ടാന് ഹോളണ്ടിനോട് യുദ്ധം ചെയ്യാനൊരുങ്ങി; ബോറിസിന്റെ വെളിപ്പെടുത്തല്
കോവിഡ് പ്രതിസന്ധി ഘട്ടത്തില് വാക്സിന് കിട്ടാനുള്ള നെട്ടോട്ടത്തിലായിരുന്നു രാജ്യങ്ങള്. ഇപ്പോഴിതാ മുന് പ്രധാനമന്ത്രി ബോറിസ് ജോണ്സന്റെ ആത്മകഥ ചര്ച്ചയാകുകയാണ്. വാക്സിന് ബ്രിട്ടനിലേക്ക് കൊണ്ടുവരാന് ബ്രിട്ടീഷ് സ്പെഷ്യല് ഫോഴ്സ് ഹോളണ്ടിനെ ആക്രമിക്കാന് പദ്ധതി ആസൂത്രണം ചെയ്തുവെന്നാണ് അദ്ദേഹത്തിന്റെ വെളിപ്പെടുത്തല്.
വാക്സിനായ ആസ്ട്ര സെനെക വാക്സിന്റെ അഞ്ചു മില്യണ് ഡോസുകള് ലഭിക്കാന് യൂറോപ്യന് യൂണിയനുമായി മാസങ്ങള് ചര്ച്ച നടത്തിയെങ്കിലും ഫലമുണ്ടായില്ല. ലീഡനിലെ വെയര്ഹൗസില് സൂക്ഷിച്ച വാക്സിന് ബ്രിട്ടനിലെത്തിക്കാനായി സൈന്യത്തിലെ മുതിര്ന്ന ഉദ്യോഗസ്ഥനുമായി വിളിച്ചുവരുത്തി സംസാരിച്ചെന്നും ബോറിസ് ആത്മകഥയില് പറയുന്നു.
ബ്രിട്ടീഷ് സര്ക്കാര് സഹായത്തില് ബ്രിട്ടനില് വികസിപ്പിച്ച ആസ്ട്ര സെനെക വാക്സിന് യൂറോപ്യന് യൂണിയന്റെ കൈപ്പിടിയിലായതില് ബോറിസ് അസ്വസ്ഥനായിരുന്നു. ഇംഗ്ലീഷ് ചാനല് കടന്ന് സൈന്യം ഡച്ച് കനാലിലെത്തി വാക്സിന് കൊണ്ടുവരാനായിരുന്നു തീരുമാനം. എന്നാല് നാറ്റോ അംഗമായ സഖ്യ രാജ്യത്തോട് യുദ്ധം ചെയ്താല് വിപരീത ഫലമുണ്ടാകുമെന്ന ഉപദേശം ലഭിച്ചതിനാല് യുദ്ധത്തിനൊരുങ്ങിയില്ലെന്ന് ബോറിസ് ആത്മകഥയില് വ്യക്തമാക്കുന്നു.
കോവിഡ് ബാധിച്ച് നടക്കാന് പോലും കഴിയാത്ത അവസ്ഥയില് വീല്ചെയറില് ആശുപത്രിയിലെത്തിയതും നഴ്സുമാരായ രണ്ടുപേരുടെയും ഡോക്ടര്മാരുടേയും പരിഗണനയില് ആശ്വാസത്തിലേക്കെത്തിയെന്നും ബോറിസ് ആത്മകഥയില് പറയുന്നുണ്ട്.
