താന് വീണ്ടും വിവാഹിതനാകാന് ഒരുങ്ങുന്നുവെന്ന് നടന് ബാല. മാധ്യമപ്രവര്ത്തകരുമായി സംവദിക്കവേയാണ് താരം വീണ്ടും വിവാഹിതനാകുന്നുവെന്ന കാര്യം വെളിപ്പെടുത്തിയത്. എന്നാല് വധു ആരാണെന്ന വിവരം ബാല വ്യക്തമാക്കിയിട്ടില്ല. നിയമപരമായി വീണ്ടും വിവാഹിതനാകും. തനിക്ക് കുഞ്ഞ് ജനിച്ചാല് മാധ്യമപ്രവര്ത്തകര് കാണാന് വരരുതെന്നും ബാല വ്യക്തമാക്കി.
തന്റെ നാലാം വിവാഹത്തെ കുറിച്ചാണ് ബാല സംസാരിച്ചത്. ഗായിക അമൃതയ്ക്ക് മുമ്പ് ഒരു കന്നടക്കാരിയായ പെണ്കുട്ടിയെയാണ് ബാല വിവാഹം ചെയ്തു. അമൃത തന്നെയാണ് ബാലയുടെ ആദ്യ വിവാഹത്തെ കുറിച്ച് പറഞ്ഞത്. തനിക്ക് മുമ്പ് ബാല മറ്റൊരു വിവാഹം ചെയ്തിരുന്നു, എന്നാല് അത് വൈകിയാണ് താന് അറിഞ്ഞത് എന്നായിരുന്നു അമൃത പറഞ്ഞത്.
അമൃതയുമായുള്ള വിവാഹമോചനത്തിന് ശേഷം ഡോക്ടര് എലിസബത്തിനെയാണ് ബാല മൂന്നാമത് വിവാഹം ചെയ്തത്. എലിസബത്തുമായി വേര്പിരിഞ്ഞു എന്നാണ് വിവരം. എങ്കിലും ഇവരുടെ വിവാഹമോചനത്തെ കുറിച്ച് ബാലയോ എലിസബത്തോ വ്യക്തമാക്കിയിട്ടില്ല.
അതേസമയം, മുന് ഭാര്യയും ബാലയും തമ്മിലുള്ള തര്ക്കം അടുത്തിടെ രൂക്ഷമായിരുന്നു. മകളെ കാണാന് തന്നെ അനുവദിക്കാറില്ലെന്ന് പറഞ്ഞതോടെ, ബാലയുടെ മകള് തന്നെ നടനെതിരെ രംഗത്തെത്തിയിരുന്നു. അമ്മയെയും തന്നെയും ഉപദ്രവിക്കുന്ന അച്ഛനെ സ്നേഹിക്കാന് കാരണങ്ങളില്ല എന്നായിരുന്നു മകള് പറഞ്ഞത്.
മുന്ഭാര്യ നല്കിയ പരാതിയുടെ അടിസ്ഥാനത്തില് ബാലയെ പൊലീസ് അറസ്റ്റ് ചെയ്തിരുന്നു. സോഷ്യല് മീഡിയയില് അപകീര്ത്തിപ്പെടുത്തല്, സ്ത്രീത്വത്തെ അപമാനിക്കല്, കുട്ടികളോട് ക്രൂരത കാട്ടല് എന്നീ വകുപ്പുകള് അനുസരിച്ചാണ് കേസ് എടുത്തത്. പിന്നാലെ നടന് ജാമ്യവും ലഭിച്ചിരുന്നു.
