കേന്ദ്ര സഹമന്ത്രി സുരേഷ് ഗോപിക്ക് സിനിമ അഭിനയത്തിന് അനുമതിയില്ല. തൃശൂര് എംപിയായി തെരഞ്ഞെടുക്കപ്പെട്ട സുരേഷ് ഗോപി, കേന്ദ്രമന്ത്രിയായി പ്രവര്ത്തിക്കുന്നതിനാല് തത്കാലം സിനിമയില് അഭിനയിക്കേണ്ടതില്ലെന്ന നിലപാടാണ് കേന്ദ്ര സര്ക്കാര് തീരുമാനിച്ചിരിക്കുന്നത്. പ്രധാനമന്ത്രി നരേന്ദ്ര മോഡിയും ആഭ്യന്തര മന്ത്രി അമിത് ഷായും സുരേഷ് ഗോപിയുടെ സിനിമാ അഭിനയത്തിന് അനുകൂലമായ നിലപാടല്ല സ്വീകരിച്ചതെന്നാണ് വിവരം.
മന്ത്രി പദവിയില് ശ്രദ്ധിക്കാന് മോഡിയും അമിത് ഷായും നിര്ദ്ദേശം നല്കിയെന്ന റിപ്പോര്ട്ടുകളാണ് പുറത്തുവന്നിരിക്കുന്നത്. ജയിപ്പിച്ച മണ്ഡലത്തില് ശ്രദ്ധിക്കാനും മന്ത്രി ഓഫീസില് സജീവമാകാനും കേന്ദ്ര നേതൃത്വം നിര്ദ്ദേശം നല്കിയിട്ടുണ്ട്. ഇതോടെ ഏറ്റെടുത്ത സിനിമകള് തുടരാനാകില്ലെന്ന പ്രതിസന്ധിയിലാണ് തൃശൂര് എം പിയായ സുരേഷ് ഗോപി.
ഇതോടെ ഒറ്റക്കൊമ്പന് എന്ന സിനിമയ്ക്കായി സുരേഷ് ഗോപി വളര്ത്തിയ മീശയും താടിയും മുറിച്ചു.
