വത്തിക്കാനിലെ സെന്റ് പീറ്റേഴ്സ് ബസിലിക്കയില് ഇരുപത്തിയഞ്ച് വര്ഷത്തിലൊരിക്കല് മാത്രം തുറക്കുന്ന വിശുദ്ധ കവാടം ഫ്രാന്സിസ് മാര്പ്പാപ്പ തുറന്നു. ഇതോടെ ആഗോള കത്തോലിക്കാ സഭയുടെ ജൂബിലി വര്ഷാചരണത്തിന് തുടക്കമായി.
ഡിസംബര് 29ന് കത്രീഡലുകളിലും, കോ- കത്രീഡലുകളിലും ബിഷപ്പുമാരുടെ കാര്മികത്വത്തില് ദിവ്യബലി അര്പ്പിച്ചുകൊണ്ട് 2025ലെ ജൂബിലി ആഘോഷങ്ങള്ക്ക് തുടക്കം കുറിക്കും. ജൂബിലി വര്ഷത്തോടനുബന്ധിച്ച് റോമിലെ റെബീബിയയിലെ ജയിലിലും ഫ്രാന്സിസ് മാര്പാപ്പ വിശുദ്ധ വാതില് തുറക്കും. ഒരു കാരാഗൃഹത്തില് വിശുദ്ധവാതില് മാര്പ്പാപ്പ തുറക്കുന്നത് ചരിത്രത്തില് ആദ്യമാണ്.
ശാന്തിയുടേയും സമാധാനത്തിന്റെയും സന്ദേശവുമായി ലോകം ക്രിസ്തുവിന്റെ തിരുപ്പിറവിദിനം ആഘോഷിച്ചു. വിവിധ ദേവാലയങ്ങളില് നടന്ന പാതിരാ കുര്ബാനയില് ആയിരക്കണക്കിന് വിശ്വാസികള് പങ്കെടുത്തു.
