കൊച്ചി അന്തര്ദേശീയ സ്റ്റേഡിയത്തില് നടന്ന മെഗാ ഭരതനാട്യം പരിപാടിയ്ക്ക് പങ്കെടുത്ത നര്ത്തകിമാര്ക്കു 1600 രൂപയ്ക്ക് മൃദംഗ വിഷന് കൊടുത്ത സാരിയ്ക്കു കല്യാണ് സില്ക്സ് വാങ്ങിയത് 390 രൂപ മാത്രം.
12500 സാരിയുടെ ഓഡര് വന്നുവെന്നും ഓരോന്നിനും വില 390 രൂപ നിരക്കിലാണ് നല്കിയതെന്നും കല്യാണ് സില്ക്സ് അറിയിച്ചു. അനാവശ്യമായി വിവാദത്തിലേക്ക് വലിച്ചിഴക്കരുതെന്നും കല്യാണ് സില്ക്സ് ഇറക്കിയ പ്രസ്താവനയില് പറയുന്നു. അതേസമയം സാരിവാങ്ങാനായി മൃദംഗനാദം 1600 രൂപയാണ് നര്ത്തകരില് നിന്നും ഈടാക്കിയത്. അങ്ങനെയെങ്കില് 19200000 രൂപയാണ് മൃദംഗനാദം ആകെ മൊത്തം നേടിയെടുത്തത്.
പരിപാടിയുടെ സംഘാടകരായ മൃദംഗ വിഷന് 12,500 സാരികള് നിര്മിച്ച് നല്കിയെന്നും ഒരു സാരിക്ക് 390 രൂപ വീതമാണ് സംഘാടകരില് നിന്ന് വാങ്ങിയതെന്നും കല്യാണ് സില്ക്സ് പുറത്തിറക്കിയ പ്രസ്താവനയില് പറയുന്നു. സംഘാടകര് സാരി ഒന്നിന് 1,600 രൂപ വീതം ഈടാക്കി എന്നാണ് അറിയാന് കഴിഞ്ഞത്. മൃദംഗ വിഷനുമായി നടന്നത് വാണിജ്യപരമായ ഇടപാട് മാത്രമാണെന്നും കല്യാണ് സില്ക്സ് പ്രസ്താവനയില് ചൂണ്ടിക്കാട്ടി.
അതേസമയം കലാരംഗത്തുള്ള പുത്തന് ചലനങ്ങളെ ലാഭേച്ഛ കൂടാതെ പ്രോത്സാഹിപ്പിക്കുന്നത് കാലാകാലങ്ങളായി കല്യാണ് സില്ക്സിന്റെ രീതിയാണെന്നും മാനേജ്മെന്റ് പറയുന്നു. 12,500 സാരികള് നിര്മിക്കണമെന്ന് ആവശ്യപ്പെട്ട് മൃദംഗ വിഷന് തങ്ങളെ സമീപിച്ചു. പരിപാടിക്ക് മാത്രമായി ഡിസൈന് ചെയ്ത സാരികള് കുറഞ്ഞ സമയത്തിനുള്ളില് നിര്മിക്കുകയും കുറഞ്ഞ വിലക്കുമാണ് നല്കിയത്. ഇതാണ് 1,600 രൂപയ്ക്ക് സംഘാടകര് നല്കിയത്. തങ്ങളുടെ ഉത്പന്നങ്ങള് ഇത്തരം ചൂഷണങ്ങള്ക്കായി ഉപയോഗിക്കുന്നതില് കടുത്ത അതൃപ്തിയുണ്ട്. വിവാദങ്ങളിലേക്ക് തങ്ങളുടെ പേര് വലിച്ചിഴക്കരുതെന്നും കല്യാണ് സില്ക്സ് ആവശ്യപ്പെട്ടു.
