ജര്മനിയിലെ ന്യൂറംബര്ഗില് മലയാളി വിദ്യാര്ഥിനിയെ താമസസ്ഥലത്ത് മരിച്ച നിലയില് കണ്ടെത്തി. കോഴിക്കോട് കുറ്റ്യാടി ചക്കിട്ടപാറ ഡോണ ദേവസ്യ പേഴത്തുങ്കല്നെ (25) ആണ് താമസസ്ഥലത്ത് മുറിയില് മരിച്ച നിലയില് കണ്ടെത്തിയത്. രണ്ടു ദിവസമായി ഡോണയ്ക്ക് പനിയുണ്ടായിരുന്നതായി സുഹൃത്തുക്കള് പറഞ്ഞു.
വൈഡന് യൂണിവേഴ്സിറ്റിയില് ഇന്റര്നാഷണല് മാനേജ്മെന്റ് വിഷയത്തില് മാസ്റ്റര് ബിരുദ വിദ്യാര്ഥിനിയായിരുന്നു ഡോണ. രണ്ടുവര്ഷം മുന്പാണ് ജര്മനിയിലെത്തിയത്. ന്യൂറംബര്ഗിലായിരുന്നു താമസം.
മൃതദേഹം പോസ്റ്റ്മോര്ട്ടത്തിനായി പൊലീസ് കസ്റ്റഡിയിലാണ്. പോസ്റ്റ്മോര്ട്ടം റിപ്പോര്ട്ട് വന്നാലേ മരണകാരണം വ്യക്തമാകൂ. ജര്മനിയിലെ പൊലീസ് നടപടി പൂര്ത്തിയായാലേ മൃതദേഹം നാട്ടിലെത്തിക്കാനാകൂ. സംസ്കാരം നാട്ടില് നടത്താനാണ് വീട്ടുകാരുടെ ആഗ്രഹം. മരണവിവരം ബര്ലിനിലെ ഇന്ത്യന് എംബസിയെ അറിയിച്ചിട്ടുണ്ട്. ചക്കിട്ടപാറ പേഴത്തുങ്കല് ദേവസ്യയുടെയും മോളിയുടെയും മകളാണ് ഡോണ.
