യുകെയിലെ വിവിധ ദേവാലയങ്ങളില് വിശുദ്ധവാരാചരണത്തിന് തുടക്കം. വിവിധ പള്ളികളില് മലയാളികള് ഓശാന പെരുന്നാള് ഭക്തിപൂര്വ്വം ആഘോഷിച്ചു. യേശുവിന്റെ സഹനത്തിന്റെയും കുരിശുമരണത്തിന്റെയും സ്മരണ പുതുക്കുന്ന പീഡാനുഭവ ആഴ്ചയ്ക്ക് ഓശാന പെരുന്നാളോടെ തുടക്കമായി.
സൗത്താംപ്ടണ് മാര് ബസേലിയോസ് ഗ്രിഗോറിയോസ് ഇന്ത്യന് ഓര്ത്തഡോക്സ് പള്ളിയില് ഫാ. അലന് വര്ഗീസും ഇടവക വികാരി എബി ഫിലിപ്പും ഓശാന ശുശ്രൂഷകള്ക്ക് കാര്മികത്വം വഹിച്ചു. ലെസ്റ്റര് സെന്റ് ജോര്ജ് ഇന്ത്യന് ഓര്ത്തഡോക്സ് ചര്ച്ചിലെ ശുശ്രൂഷകള്ക്ക് ഫാ. ബഹനാന് കോരുത് മുഖ്യ കാര്മ്മികനായിരുന്നു.
യുകെയിലെ സിറോ മലബാര്, സിറിയന് യാക്കോബായ, മലങ്കര കത്തോലിക്കാ, മലങ്കര ഓര്ത്തഡോക്സ്, ക്നാനായ കത്തോലിക്കാ, ക്നാനായ യാക്കോബായ തുടങ്ങിയ വിവിധ ദേവാലയങ്ങളിലും ഓശാന ശുശ്രൂഷകള് ഭക്തിസാന്ദ്രമായി നടന്നു.
വിവിധ പള്ളികളില് വിശുദ്ധവാരാചരണത്തിന് വലിയ ഒരുക്കങ്ങളാണ് നടത്തിയിരിക്കുന്നത്.
