കേരളത്തില് നിന്നുള്ള നഴ്സുമാര്ക്ക് ജര്മനിയില് തൊഴില് നേടാന് അവസരം. നോര്ക്ക ട്രിപ്പിള് വിന് കേരള പദ്ധതിയുടെ ഏഴാം ഘട്ടത്തിന്റെ ഫാസ്റ്റ്ട്രാക്ക് പ്രോഗ്രാമിലേക്ക് 100 ഒഴിവുകളിലേക്ക് അപേക്ഷ ക്ഷണിച്ചു. ജര്മനിയിലെ വിവിധ ഹോസ്പിറ്റലുകളിലാണ് നിയമനം. യോഗ്യരായ ഉദ്യോഗാര്ത്ഥികള്ക്ക് www.norkaroots.org, www.nifl.norkaroots.org എന്നീ വെബ്സൈറ്റുകള് വഴി മേയ് 2ന് മുന്പ് അപേക്ഷിക്കാം.
ഫാസ്റ്റ്ട്രാക്ക് പ്രോഗ്രാമിലൂടെ അപേക്ഷിക്കാന് ജര്മന് ഭാഷയില് ബി1 അല്ലെങ്കില് ബി2 (ഫുള് മോഡ്യൂള്) യോഗ്യത നേടിയിരിക്കണം. ബിഎസ്സി/ജനറല് നഴ്സിങ് ആണ് അടിസ്ഥാന യോഗ്യത. ജനറല് നഴ്സിങ് പാസായവര്ക്ക് രണ്ട് വര്ഷത്തെ പ്രവൃത്തി പരിചയം നിര്ബന്ധമാണ്. 2025 മേയ് 31ന് ഉയര്ന്ന പ്രായപരിധി 38 വയസ് കവിയരുത്.
തിരഞ്ഞെടുക്കപ്പെടുന്നവര്ക്ക് വിമാന ടിക്കറ്റ് ഉള്പ്പെടെയുള്ള എല്ലാ യാത്രാ ചെലവുകളും സൗജന്യമായിരിക്കും. കേരളീയരായ ഉദ്യോഗാര്ഥികള്ക്ക് മാത്രമാണ് ട്രിപ്പിള് വിന് പദ്ധതിയിലേക്ക് അപേക്ഷിക്കാന് അര്ഹതയുള്ളത്. നോര്ക്ക റൂട്ട്സും ജര്മന് ഫെഡറല് എംപ്ലോയ്മെന്റ് ഏജന്സിയും ജര്മന് ഏജന്സി ഫോര് ഇന്റര്നാഷണല് കോ-ഓപ്പറേഷനും സംയുക്തമായാണ് ഈ നഴ്സിങ് റിക്രൂട്ട്മെന്റ് പദ്ധതി നടപ്പാക്കുന്നത്.
കൂടുതല് വിവരങ്ങള്ക്കായി 0471 2770577, 536, 540, 544 എന്നീ നമ്പറുകളിലോ അല്ലെങ്കില് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറായ 1800 425 3939 (ഇന്ത്യയില് നിന്ന്), +91-8802 012 345 (വിദേശത്ത് നിന്ന്, മിസ്ഡ് കോള് സര്വീസ്) എന്നിവയില് ബന്ധപ്പെടാവുന്നതാണ്.
