കൊച്ചി: ബംഗാളില് നിന്ന് ട്രോളി ബാഗില് 37.49 കിലോ കഞ്ചാവുമായി ബിരുദ വിദ്യാര്ത്ഥിനിയും മറ്റൊരു യുവതിയും പിടിയിലായി. എറണാകുളം നോര്ത്ത് റെയില്വേ സ്റ്റേഷനിലാണ് യുവതികള് പിടിയിലായത്. മുര്ഷിദാബാദ് സ്വദേശിനികളായ 21 കാരായ സോണിയ സുല്ത്താനയും അനിത ഖാത്തൂനുമാണ് അറസ്റ്റിലായത്.
ഓര്ഡര് ലഭിച്ചത് പ്രകാരം ബംഗാളില് നിന്ന് കൊച്ചിയില് കഞ്ചാവ് എത്തിച്ച് ഇടപാടുകാര്ക്കായി റെയില്വേ സ്റ്റേഷനിലെ രണ്ടാം പ്ലാറ്റ്ഫോമില് കാത്തിരിക്കുകയായിരുന്നു ഇവര്. അതേ സമയത്ത് അവിടെ പരിശോധനക്കെത്തിയ പൊലീസിനെ കണ്ട് ഇരുവരും എഴുന്നേറ്റ് പോകാന് ശ്രമിച്ചു. ഇതോടെ വനിത പൊലീസ് തടയുകയായിരുന്നു. തുടര്ന്നാണ് ഇരുവരെയും പൊലീസ് അറസ്റ്റ് ചെയ്തത്.
കേരളത്തിലേക്ക് ട്രിപ്പെന്ന പേരിലായിരുന്നു രണ്ട് യുവതികളുടെയും കഞ്ചാവ് കടത്ത്. ബംഗളൂരുവില് നിന്നാണ് ട്രെയിന് കയറിയത്. പാലക്കാട് പരിശോധന കര്ശനമാക്കിയതോടെ റൂട്ട് മാറ്റിപ്പിടിച്ചെങ്കിലും യുവതികള് കുടുങ്ങുകയായിരുന്നു. ഓര്ഡര് പ്രകാരമുള്ള കഞ്ചാവ് ബംഗാളില് നിന്ന് കേരളത്തിലേക്ക് എത്തിക്കുന്ന ക്യാരിയേഴ്സാണ് യുവതികള്.
പോക്കറ്റ് മണിക്ക് വേണ്ടിയാണ് യുവതികളുടെ കഞ്ചാവ് കടത്ത്. സുരക്ഷിതമായി കഞ്ചാവ് എത്തിച്ചാല് നിശ്ചിത തുക കമ്മിഷനായി ലഭിക്കും. കൈമാറിയതിന് ശേഷം അധികം വൈകാതെ നാട്ടിലേക്ക് മടങ്ങും. ഇവര്ക്കൊപ്പം മറ്റൊരു യുവാവമുണ്ടെന്നാണ് വിവരം.
