യുവതിയെ ഭീഷണിപ്പെടുത്തി പീഡിപ്പിച്ചെന്ന പരാതിയില് പൂജാരി അറസ്റ്റില്. പെരിങ്ങോട്ടുകര ദേവസ്ഥാനം ക്ഷേത്രത്തിലെ സഹ പൂജാരിയായ അരുണ് ആണ് അറസ്റ്റിലായത്. കര്ണാടക സ്വദേശിയായ യുവതിയാണ് പോലീസില് പരാതി നല്കിയത്. ക്ഷേത്രത്തിലെ മുഖ്യ പൂജാരി ഉണ്ണി ദാമോദരനെതിരെയും യുവതിയുടെ പരാതിയുണ്ട്. ഒളിവില് പോയ ഇയാള്ക്കായി പൊലീസ് അന്വേഷണം ആരംഭിച്ചു.
കുടുംബ പ്രശ്നം തീര്ക്കാനാണ് യുവതി ഈ ക്ഷേത്രത്തില് എത്തിയത്. ഓണ്ലൈന് പരസ്യം കണ്ടാണു യുവതി പെരിങ്ങോട്ടുകര ദേവസ്ഥാനത്ത് എത്തുന്നത്.
മലയാളം അറിയാത്ത യുവതിയെ പൂജകള്ക്കിടെ സഹായിച്ച് അരുണ് സൗഹൃദത്തിലായി.കുടുംബത്തിനു മേല് ദുര്മന്ത്രവാദം നടന്നിട്ടുണ്ടെന്നും ഇതു മാറ്റാനായി പ്രത്യേക പൂജകള് വേണമെന്നും അരുണ് പറഞ്ഞു.പിന്നീട് നിരന്തരം ഫോണില് വിളിക്കുകയും ഭീഷണിപ്പെടുത്തുകയും നഗ്ന വിഡിയോ എടുത്ത് കേരളത്തില് എത്തിച്ച് കാറില് വെച്ച് പീഡിപ്പിച്ചു എന്നുമാണ് പരാതി.
വഴങ്ങിയില്ലെങ്കില് മക്കള് മരിച്ചു പോകുന്നതിനുള്ള പൂജ ചെയ്യുമെന്നുവരെ ഇവരെ ഭീഷണിപ്പെടുത്തിയതായി പരാതിയിലുണ്ട്. മറ്റ് വഴികളില്ലാതായതോടെയാണ് യുവതി പൊലീസില് പരാതി നല്കിയത്.
അതേസമയം, സ്ത്രീയെ തുടര്ച്ചയായി ഫോണിലൂടെയും വാട്സ്ആപ്പിലൂടെയും ബന്ധപ്പെട്ടതിന്റെ എല്ലാ രേഖകളും കര്ണാടക പൊലീസിനെ ലഭിച്ചിട്ടുണ്ട്. തുടര്ന്നാണ് അറസ്റ്റ്.
