ദളപതി വിജയ്‌യ്ക്ക് സ്‌പെഷ്യല്‍ പിറന്നാള്‍ ആശംസ നേര്‍ന്ന് തൃഷ പങ്കുവച്ച കുറിപ്പ് ശ്രദ്ധ നേടുന്നു. തൃഷയുടെ ഇസ്സി എന്ന നായക്കുട്ടിയെ ലാളിക്കുന്ന വിജയ്‌യെയും അരികില്‍ തൃഷയേയും കാണാം.
'ഞങ്ങള്‍ കാത്തിരുന്ന കമന്റ് വൈകിയാണെങ്കിലും എത്തിയല്ലോ' എന്നാണ് ഒരു ആരാധകന്റെ കമന്റ്.
കഴിഞ്ഞ രണ്ടുവര്‍ഷത്തിലേറെയായി വിജയ്‌യും തൃഷയും പ്രണയത്തിലാണെന്ന ഗോസിപ്പുകള്‍ പ്രചരിക്കുന്നുണ്ട്. കഴിഞ്ഞവര്‍ഷം നോര്‍വെയില്‍ ഇരുവരെയും ഒന്നിച്ച് കണ്ടതോടെ അഭ്യൂഹങ്ങള്‍ ശക്തമായി. തൃഷ ഇപ്പോഴും അവിവാഹിതയായി തുടരുന്നത് ഗോസിപ്പുകള്‍ക്ക് ശക്തി പകര്‍ന്നു. സമീപകാലത്തു ഇരുവരും സ്വകാര്യ ജെറ്റില്‍ യാത്ര ചെയ്തതും വാര്‍ത്തയായിരുന്നു.
പ്രേക്ഷകരുടെ പ്രിയ താരജോഡികളാണ് വിജയ്‌യും തൃഷയും. ഗില്ലി, തിരുപ്പാച്ചി, ആദി, ലിയോ തുടങ്ങി നിരവധി ചിത്രങ്ങളില്‍ ഇരുവരും ഒരുമിച്ച് അഭിനയിച്ചിട്ടുണ്ട്.
ഗില്ലിയില്‍ അഭിനയിച്ചശേഷം തൃഷയും വിജയ്‌യും വര്‍ഷങ്ങര്‍ക്കുശേഷം ഒന്നിച്ച് എത്തിയത് ലോകേഷ് കനകരാജ് സംവിധാനം ചെയ്ത ലിയോ എന്ന ചിത്രത്തിലായിരുന്നു.
