മലയാള സിനിമയിലെ അഭിനേതാക്കളുടെ സംഘടനയായ 'അമ്മ' യിലെ തിരഞ്ഞെടുപ്പ് ചിത്രം വ്യക്തമായി.തിരഞ്ഞെടുപ്പില് ജോയിന്റ് സെക്രട്ടറി സ്ഥാനത്തേക്ക് അന്സിബ ഹസന് എതിരില്ലാതെ തിരഞ്ഞെടുക്കപ്പെട്ടു. അന്സിബ ഉള്പ്പടെ പതിമൂന്ന് പേരായിരുന്നു ജോയിന്റ് സെക്രട്ടറി സ്ഥാനത്തേക്കു പത്രിക സമര്പ്പിച്ചിരുന്നത്. ഇതില് പന്ത്രണ്ടു പേരും പത്രിക പിന്വലിച്ചതോടെ അന്സിബ എതിരില്ലാതെ തിരഞ്ഞെടുക്കപ്പെടുകയായിരുന്നു.
അനൂപ് ചന്ദ്രന്, സരയു മോഹന്, ആശ അരവിന്ദ്, വിനു മോഹന്, സുരേഷ് കൃഷ്ണ, ടിനി ടോം എന്നിങ്ങനെ ജോയിന്റ് സെക്രട്ടറി സ്ഥാനത്തേക്കു മത്സരിച്ച എല്ലാവരും പത്രിക പിന്വലിക്കുകയായിരുന്നു. നേരത്തെ 'അമ്മ'യുടെ എക്സിക്യൂട്ടിവ് അംഗമായിരുന്ന അന്സിബ അഡ്ഹോക്ക് കമ്മിറ്റിയിലും ഉള്പ്പെട്ടിരുന്നു.
അതേസമയം, പ്രസിഡന്റ് സ്ഥാനത്തേക്ക് ശ്വേതാ മേനോനും ദേവനുമാണ് മത്സരരംഗത്തുള്ളത്. പ്രസിഡന്റ് സ്ഥാനത്തേക്ക് വനിത വരുന്നതിനെ പിന്തുണച്ചുകൊണ്ട് ജഗദീഷ് അടക്കമുള്ളവര് പത്രിക പിന്വലിക്കുകയായിരുന്നു. വൈസ് പ്രസിഡന്റ് സ്ഥാനത്തേക്ക് നാസര് ലത്തീഫ്, ജയന് ചേര്ത്തല ലക്ഷ്മിപ്രിയ എന്നിവരാണ് മത്സരിക്കുന്നത്. ജനറല് സെക്രട്ടറി സ്ഥാനത്തേക്ക് രവീന്ദ്രന്, കുക്കു പരമേശ്വരന് എന്നിവര് മത്സരിക്കുന്നു. അനൂപ് ചന്ദ്രനും ഉണ്ണി ശിവപാലും തമ്മില് ട്രഷറര് സ്ഥാനത്തേക്ക് മല്സരം നടക്കും.
