പുടിന്-ട്രംപ് ഉച്ചകോടി; വെടിനിര്ത്തലില്ല, സമാധാനത്തിനു ചെറിയ പ്രതീക്ഷ
ആങ്കറേജ് (അലാസ്ക): യുക്രൈന്- റഷ്യ യുദ്ധത്തിന്റെ പശ്ചാത്തലത്തില് യുഎസ് പ്രസിഡന്റ് ഡൊണാള്ഡ് ട്രംപും റഷ്യന് പ്രസിഡന്റ് വ്ളാദിമിര് പുടിനും തമ്മിലുള്ള നിര്ണായക ഉച്ചകോടി കഴിഞ്ഞപ്പോള് സമാധാനത്തിനു ചെറിയ പ്രതീക്ഷ. വെടിനിര്ത്തല് എന്ന ട്രംപിന്റെ പ്രഖ്യാപിത ലക്ഷ്യത്തില് എത്തിയില്ലെങ്കിലും ചര്ച്ചകള് തുടരും എന്ന ധാരണയിലെത്താനായി.
കരാറിലെത്താനായില്ലെങ്കിലും ചര്ച്ചയില് വലിയ പുരോഗതിയുണ്ടായെന്നും വൈകാതെ തന്നെ ലക്ഷ്യം കാണാനാവുമെന്നും ഇരുനേതാക്കളും സംയുക്ത വാര്ത്താ സമ്മേളനത്തില് പറഞ്ഞു. അടച്ചിട്ടമുറിയില് മൂന്ന് മണിക്കൂറോളം നീണ്ട ചര്ച്ചയ്ക്ക് ശേഷമായിരുന്നു ഇരു നേതാക്കന്മാരുടെയും വാര്ത്താ സമ്മേളനം.
ചര്ച്ചയിലുണ്ടായ ധാരണകളെ കുറിച്ച് യുക്രൈന് പ്രസിഡന്റ് വ്ലാദിമിര് സെലെന്സ്കിയുമായും നാറ്റോ നേതാക്കളുമായും സംസാരിക്കുമെന്നും ട്രംപ് വ്യക്തമാക്കി. പുടിനുമായി നേരിട്ടുള്ള ചര്ച്ച തുടരുമെന്ന സൂചനയും ട്രംപ് നല്കി. ചര്ച്ചയിലുണ്ടായ പുരോഗതിയെ ഇല്ലാതാക്കുന്ന നീക്കങ്ങള്ക്ക് യുക്രൈനോ യൂറോപ്യന് രാജ്യങ്ങളോ മുതിരരുതെന്ന് പുടിന് വാര്ത്താ സമ്മേളനത്തില് പറഞ്ഞു.
യുക്രൈന് യുദ്ധം അവസാനിക്കണമെങ്കില് റഷ്യയുടെ ആശങ്കകള് പരിഹരിക്കപ്പെടണം. യുക്രൈനിലെ നിലവിലെ സാഹചര്യങ്ങള് റഷ്യയുടെ ആഭ്യന്തര സുരക്ഷയ്ക്ക് വലിയ ഭീഷണി ഉയര്ത്തുന്നുണ്ട്. ദീര്ഘകാലത്തേക്കുള്ള സമാധാനം ഉണ്ടാവണമെങ്കില് ഈ സംഘര്ഷളുടെ മൂലകാരണങ്ങള് ഇല്ലാതാവണം. യുക്രൈന് തങ്ങളുടെ സഹോദര രാജ്യമാണ്. യുക്രൈന്റെ സുരക്ഷ ഉറപ്പുവരുത്തണമെന്ന കാര്യത്തില് താന് പ്രസിഡന്റ് ട്രംപിനോട് യോജിക്കുന്നു. ഇന്ന് തങ്ങള് എത്തിച്ചേര്ന്ന ധാരണകള് ആ ലക്ഷ്യത്തിലേക്ക് എത്തിച്ചേരാനുള്ള പാത തുറക്കുമെന്ന് താന് പ്രതീക്ഷിക്കുന്നുവെന്നും പുടിന് പറഞ്ഞു. യുക്രൈനെ നാറ്റോയില് ചേര്ക്കാതെ ഒരു ബഫര്സോണായി നിലനിര്ത്തുകയാണ് പുടിന്റെ ലക്ഷ്യമെന്നാണ് സൂചന.
അലാസ്കയിലെ ആങ്കറേജിലായിരുന്നു കൂടിക്കാഴ്ച. ആറുവര്ഷത്തിനുശേഷമാണ് ട്രംപും പുടിനും നേരില് ചര്ച്ചനടത്തുന്നത്. അടുത്ത ചര്ച്ച മോസ്കോയിലാകാമെന്ന്പുടിന് ട്രംപിനോട് പറഞ്ഞു.
ചര്ച്ചയില് ട്രംപിനൊപ്പം അമേരിക്കന് വിദേശ സെക്രട്ടറി മാര്ക്കോ റുബിയോ, പ്രത്യേക പ്രതിനിധി സ്റ്റീവ് വിറ്റ്കോഫ് എന്നിവരും പുടിനൊപ്പം വിദേശകാര്യമന്ത്രി സെര്ഗെയി ലാവ്റോവും പങ്കെടുത്തു. കൂടിക്കാഴ്ചയില് റഷ്യന് വിദേശകാര്യ മന്ത്രിയുടെ ടീ ഷര്ട്ട് ചര്ച്ചയായി. 'സിസിസിപി' എന്ന വാചകമെഴുതിയ ടീ ഷര്ട്ട് ധരിച്ചാണ് സെര്ഗെയ് ലാവ്റോവ് യുഎസ് ഉച്ചകോടിയിലെത്തിയത്. യുഎസ്എസ്ആറിന്റെ റഷ്യന് ഭാഷയിലെ ചുരുക്കപ്പേരാണ് സിസിസിപി.
യുക്രൈന്റെ നാറ്റോപ്രവേശനശ്രമങ്ങളില് പ്രകോപിതരായി 2022 ഫെബ്രുവരി 24-നാണ് റഷ്യ യുക്രൈനില് അധിനിവേശമാരംഭിച്ചത്.
യുക്രൈന് യുദ്ധം അവസാനിക്കണമെങ്കില് റഷ്യയുടെ ആശങ്കകള് പരിഹരിക്കപ്പെടണം. യുക്രൈനിലെ നിലവിലെ സാഹചര്യങ്ങള് റഷ്യയുടെ ആഭ്യന്തര സുരക്ഷയ്ക്ക് വലിയ ഭീഷണി ഉയര്ത്തുന്നുണ്ട്. ദീര്ഘകാലത്തേക്കുള്ള സമാധാനം ഉണ്ടാവണമെങ്കില് ഈ സംഘര്ഷളുടെ മൂലകാരണങ്ങള് ഇല്ലാതാവണം. യുക്രൈന് തങ്ങളുടെ സഹോദര രാജ്യമാണ്. യുക്രൈന്റെ സുരക്ഷ ഉറപ്പുവരുത്തണമെന്ന കാര്യത്തില് താന് പ്രസിഡന്റ് ട്രംപിനോട് യോജിക്കുന്നു. ഇന്ന് തങ്ങള് എത്തിച്ചേര്ന്ന ധാരണകള് ആ ലക്ഷ്യത്തിലേക്ക് എത്തിച്ചേരാനുള്ള പാത തുറക്കുമെന്ന് താന് പ്രതീക്ഷിക്കുന്നുവെന്നും പുടിന് പറഞ്ഞു. യുക്രൈനെ നാറ്റോയില് ചേര്ക്കാതെ ഒരു ബഫര്സോണായി നിലനിര്ത്തുകയാണ് പുടിന്റെ ലക്ഷ്യമെന്നാണ് സൂചന. 
