ദാദാസാഹേബ് ഫാല്ക്കെ പുരസ്കാരം നേടിയ മോഹന്ലാലിനെ ആദരിച്ച് കരസേന
ദാദാസാഹേബ് ഫാല്ക്കെ പുരസ്കാരം നേടിയ മോഹന്ലാലിനെ ആദരിച്ച് ഇന്ത്യന് കരസേന. ഇന്ന് ഡല്ഹിയിലായിരുന്നു ചടങ്ങ് നടന്നത്. ഡല്ഹിയില് കരസേന മേധാവി ഉപേന്ദ്ര ദ്വിവേദിയുമായി മോഹന്ലാല് കൂടിക്കാഴ്ച്ച നടത്തി. വലിയ അംഗീകാരമാണ് ലഭിച്ചതെന്ന് മോഹന്ലാല് പ്രതികരിച്ചു. 16 വര്ഷമായി കരസേനയുടെ ഭാഗമാണെന്നും സൈന്യത്തിനായി കൂടുതല് സിനിമകളുണ്ടാകുമെന്നും മോഹന്ലാല് പറഞ്ഞു.
പതിനാറ് വര്ഷമായി താന് ഈ ബെറ്റാലിയന്റെ ഭാഗാണ്. ഇതിനിടെ തന്റെ കഴിവിന് അനുസരിച്ച് സൈന്യത്തിനും സാധാരണക്കാര്ക്കും വേണ്ടി പ്രവര്ത്തിച്ചിട്ടുണ്ട്. തങ്ങള് ഇതേപ്പറ്റിയും മറ്റ് ചില വിഷയങ്ങളെക്കുറിച്ചും ഇന്ന് നടന്ന കൂടിക്കാഴ്ചയില് ചര്ച്ച ചെയ്തു. സൈന്യത്തിനായി ഇനിയും കൂടുതല് ചിത്രങ്ങളുണ്ടാകുമെന്നും മോഹന്ലാല് പറഞ്ഞു.
സെപ്തംബര് 23നാണ് മോഹന്ലാല് ദാദാ സാഹേബ് ഫാല്ക്കെ പുരസ്കാരം ഏറ്റുവാങ്ങിയത്. എഴുപത്തിയൊന്നാമത് ദേശീയ ചലച്ചിത്ര പുരസ്കാര വേദിയില് വെച്ചാണ് നടന് ഈ പരമോന്നത ബഹുമതി ഏറ്റുവാങ്ങിയത്. ചലച്ചിത്ര മേഖലയിലെ സമഗ്ര സംഭാവനയ്ക്കുള്ള പുരസ്കാരമാണ് മോഹന്ലാലിന് ലഭിച്ചത്. ആദ്യമായാണ് ഒരു മലയാള നടന് ഫാല്ക്കെ പുരസ്കാരം ലഭിക്കുന്നത്.
