തിരഞ്ഞെടുപ്പ് എഫക്ട്: ഷേമ പെന്ഷന് 400 രൂപ കൂട്ടി, ആശമാരുടെ ഓണറേറിയം കൂട്ടി, റബറിന്റെ താങ്ങുവില 200
പഞ്ചായത്തു തിരഞ്ഞെടുപ്പിന് ആഴ്ചകള് മാത്രം ബാക്കി നില്ക്കെയും നിയമസഭാ തിരഞ്ഞെടുപ്പ് അടുക്കാനിരിക്കെയും ജനപ്രിയ പ്രഖ്യാപനങ്ങളുമായി മുഖ്യമന്ത്രി പിണറായി വിജയന്. പുതിയതായി സ്ത്രീസുരക്ഷ പദ്ധതിയും യുവാക്കള്ക്ക് സ്കോളര്ഷിപ്പ് അടക്കമുള്ളവയാണ് പ്രഖ്യാപിച്ചിരിക്കുന്നത്. ക്ഷേമ പെന്ഷന് 400 രൂപ കൂട്ടി. ഇനിമുതല് 2000 രൂപയാണ് ക്ഷേമപെന്ഷന്.
മറ്റ് സാമ്പത്തിക സഹായം കിട്ടാത്തവര്ക്ക് സ്ത്രീസുരക്ഷ പെന്ഷനും പ്രഖ്യാപിച്ചിട്ടുണ്ട്. പ്രതിമാസം 1000 രൂപവീതമാണ് സ്ത്രീ സുരക്ഷ പെന്ഷനായി പ്രഖ്യാപിച്ചിരിക്കുന്നത്. ഏതാണ്ട് 33.34 ലക്ഷം സ്ത്രീകള്ക്ക് ഇതിന്റെ പ്രയോജനം ലഭിക്കും. ആശ വര്ക്കര്മാരുടെ പ്രതിമാസ ഹോണറേറിയത്തില് 1000 രൂപയുടെ വര്ദ്ധനവും മുഖ്യമന്ത്രി പ്രഖ്യാപിച്ചു. അങ്കണവാടി വര്ക്കര്മാരുടെയും ഹെല്പ്പര്മാരുടെയും ഓണറേറിയത്തിലും 1000 രൂപയുടെ വര്ദ്ധനവ്. അങ്കണവാടി ജീവനക്കാര്ക്ക് നല്കാനുള്ള കുടിശ്ശിക പെട്ടെന്ന് തീര്ത്ത് നല്കുമെന്നും മുഖ്യമന്ത്രി വ്യക്തമാക്കി.
കെട്ടിട നിര്മ്മാണ ക്ഷേമനിധി കുടിശ്ശികയും തീര്പ്പാക്കുമെന്ന് മുഖ്യമന്ത്രി വ്യക്തമാക്കി. സ്കൂള് പാചക തൊഴിലാളികളുടെ പ്രതിദിന കൂലിയും വര്ദ്ധനവ് വരുത്തിയിട്ടുണ്ട്. 50 രൂപയാണ് പ്രതിദിന കൂലിയില് വരുത്തിയിരിക്കുന്ന വര്ദ്ധന. സാക്ഷരതാ ഡയറക്ടര്മാരുടെ ഓണറേറിയത്തിലും വര്ദ്ധനവ് വരുത്തിയിട്ടുണ്ട്. 1000 രൂപയുടെ വര്ദ്ധനവാണ് വരുത്തിയിരിക്കുന്നത്. പുതിയ പ്രഖ്യാപനങ്ങള് കേരളപ്പിറവി ദിനമായ നവംബര് ഒന്ന് മുതല് പ്രാബല്യത്തില് വരുമെന്നും മുഖ്യമന്ത്രി അറിയിച്ചു.
യുവ തലമുറയ്ക്ക് സ്കോളര്ഷിപ്പിനായി കണക്ട് ടു വര്ക്ക് എന്ന പേരില് പുതിയ പദ്ധതി ആരംഭിക്കും. കുടുംബശ്രീ എഡിഎസിന് പ്രവര്ത്തന ഗ്രാന്ഡ് അനുവദിക്കുമെന്നും മുഖ്യമന്ത്രി പറഞ്ഞു.
അഗ്നിരക്ഷാ സേവന വകുപ്പില് സ്റ്റേഷന് ഓഫീസര് തസ്തികയില് വനിതകളെ നിയമിക്കുന്നതിന് പുതിയതായി 12 വനിതാ സ്റ്റേഷന് ഓഫീസര് തസ്തികകള് സൃഷ്ടിക്കുമെന്നും മുഖ്യമന്ത്രി പറഞ്ഞു. ഇപ്രകാരം സൃഷ്ടിക്കുന്ന തസ്തികകളില് 50 ശതമാനത്തില് പിഎസ്സി വഴി നേരിട്ടും, 50 ശതമാനത്തില് ഇപ്പോള് സര്വ്വീസിലുള്ള വനിതാ ഫയര് ഓഫീസര്മാരില് നിന്നും നിയമനം നടത്തുമെന്നും മുഖ്യമന്ത്രി പറഞ്ഞു.
കോട്ടയം ജില്ലയിലെ കൂട്ടിക്കലില് ഉണ്ടായ പ്രളയത്തില് വീട് നഷ്ടപ്പെട്ട 25 പേര്ക്ക് ഒരാള്ക്ക് വീട് ഉള്പ്പെടെ പരമാവധി എഴ് സെന്റ് എന്ന വ്യവസ്ഥയില് സൗജന്യമായി കൈമാറുന്ന വസ്തുവിന്റെ രജിസ്ട്രേഷന് മുദ്രവിലയിലും രജിസ്ട്രേഷന് ഫീസിലും ഇളവ് നല്കും. 26,78,739 രൂപയുടെ ഇളവാണ് നല്കുക.
