ലണ്ടന്‍: ഗ്ലാസ്‌ഗോയില്‍നിന്ന് ലണ്ടനിലേക്കുള്ള അവന്ദി-വെസ്റ്റ്‌കോസ്റ്റ് ട്രെയിന്‍ കംബ്രിയയ്ക്കു സമീപം പാളം തെറ്റി. കഴഞ്ഞ ദിവസം രാവിലെ 04.28നായിരുന്നു അപകടം. യാത്രക്കാരെ സുരക്ഷിതമായി ഒഴിപ്പിച്ചുവെന്നും ആര്‍ക്കും പരിക്കുപറ്റിയില്ലെന്നും അധികൃതര്‍ അറിയിച്ചു.
അപകടത്തെ 'മേജര്‍ ഇന്‍സിഡന്റ്' ആയി പ്രഖ്യാപിച്ച ട്രാന്‍സ്‌പോര്‍ട്ട് സെക്രട്ടറി ഹെയ്ദി അലക്‌സാണ്ടര്‍, സംഭവത്തെ തുടര്‍ന്ന് പ്രസ്റ്റണിന്റെ വടക്കുഭാഗത്തേക്കുള്ള ട്രെയിന്‍ സര്‍വീസുകള്‍ തടസ്സപ്പെട്ടതായി അറിയിച്ചു. വരും ദിവസങ്ങളില്‍ ഈ റൂട്ടിലൂടെയുള്ള യാത്രാസര്‍വീസുകള്‍ക്ക് തടസം നേരിടാനാകുമെന്നു മുന്നറിയിപ്പും നല്‍കിയിട്ടുണ്ട്. യാത്രക്കാര്‍ക്ക് സുരക്ഷിതമായ ഇടപെടലുകള്‍ ഉറപ്പാക്കാന്‍ റെയില്‍വേ അധികൃതര്‍ നടപടികള്‍ സ്വീകരിച്ചുവരികയാണ്.
