2026-ലെ എന്എച്ച്എസ് സമരങ്ങള് ഒഴിവാക്കാന് തിരക്കിട്ട ചര്ച്ചകള്. രോഗികളെയും സംവിധാനത്തെയും ഗുരുതരമായി ബാധിക്കുന്ന സമരങ്ങള് ഒഴിവാക്കാനാണ് ശ്രമങ്ങള്. ഈ മാസം ചര്ച്ചകള് നടത്തി 2026 ല് കൂടുതല് തടസ്സങ്ങള് ഉണ്ടാകുന്നത് ഒഴിവാക്കാനാണ് ഡോക്ടര്മാരും, ആരോഗ്യ മേധാവികളും ശ്രമിക്കുന്നത്. അംഗങ്ങള്ക്കിടയില് ബാലറ്റിംഗ് നടത്തണമെന്നതിനാല് ഫെബ്രുവരി വരെ ബ്രിട്ടീഷ് മെഡിക്കല് അസോസിയേഷന് റസിഡന്റ് ഡോക്ടര്മാര്ക്ക് സമരത്തിന് ഇറങ്ങാന് കഴിയില്ല. ഈ സമയത്ത് ഒത്തുതീര്പ്പ് എത്തിക്കാനാണ് മന്ത്രിമാരുടെ ശ്രമം.
ഫ്ലൂ പകര്ച്ചവ്യാധിയായി പടര്ന്ന് പിടിച്ച ഡിസംബറിലും ഡോക്ടര്മാര് ക്രിസ്മസ് മുന്നോടിയായി പണിമുടക്കിയത് ഗവണ്മെന്റിനെ ചൊടിപ്പിച്ചിരുന്നു. ഈ പ്രശ്നം ഒഴിവാക്കാന് ആഴ്ചയില് പല തവണ ബിഎംഎ നേതാക്കളുമായി കൂടിക്കാഴ്ച നടത്താനുള്ള ഒരുക്കത്തിലാണ് ഗവണ്മെന്റ് അധികൃതര്.
'ക്രിസ്മസ് മുന്പായി ഇരുഭാഗവും വാക്പോരില് ഏര്പ്പെട്ടിരുന്നു. പുതുവര്ഷത്തില് ഈ പ്രശ്നം പരിഹരിക്കുന്നതിലേക്കാണ് നീങ്ങുന്നത്', ചര്ച്ചകളുമായി ബന്ധമുള്ള സ്രോതസ് സണ്ണിനോട് പറഞ്ഞു. എന്എച്ച്എസ് ഡോക്ടര് ജോലിക്ക് വിദേശ ഡോക്ടര്മാരേക്കാള് മുന്ഗണന യുകെ ഗ്രാജുവേറ്റ്സിന് ലഭിക്കാനുള്ള നിയമപരമായ നീക്കങ്ങള് ഹെല്ത്ത് സെക്രട്ടറി ആരംഭിച്ചിട്ടുണ്ട്.
എന്നാല് 26 ശതമാനം ശമ്പളവര്ധന ചോദിക്കുന്ന ഡോക്ടര്മാരുടെ ആവശ്യം അംഗീകരിക്കാന് വെസ് സ്ട്രീറ്റിംഗ് ഇപ്പോഴും തയാറല്ല. ഈ ആവശ്യം ഉന്നയിച്ച് 14-ാം തവണയാണ് ഡിസംബറിലെ പണിമുടക്ക് അരങ്ങേറിയത്. കഴിഞ്ഞ വര്ഷം 29 ശതമാനം വര്ദ്ധന ലഭിച്ചിട്ടും റസിഡന്റ് ഡോക്ടര്മാര്ക്ക് ആശ്വാസമായിട്ടില്ല.
