ഉയരുന്ന എനര്ജി ബില്ലുകളും, ചാന്സലര് റേച്ചല് റീവ്സിന്റെ എംപ്ലോയര് നാഷണല് ഇന്ഷുറന്സും ചേര്ന്നാണ് രാജ്യത്ത് ഭക്ഷ്യ വിലക്കയറ്റം സൃഷ്ടിക്കുന്നതെന്ന് റീട്ടെയിലര്മാര്. ഉയര്ന്ന ചെലവുകള് വഹിക്കാന് സപ്ലയര്മാരും, സൂപ്പര്മാര്ക്കറ്റുകളും പെടാപ്പാട് പെടുമ്പോഴാണ് വിലക്കയറ്റം തിരിച്ചടിയാകുന്നത്.
ഷോപ്പുകളിലെ എല്ലാ ഉത്പന്നങ്ങളുടെയും വിലകളില് ജനുവരി മാസം 1.5% വര്ധനവ് രേഖപ്പെടുത്തിയതായി ബ്രിട്ടീഷ് റീട്ടെയില് കണ്സോര്ഷ്യം പറഞ്ഞു. ഡിസംബറിലെ 0.7% വര്ധനവില് നിന്നുമാണ് ഈ കുതിച്ചുചാട്ടം. ഇക്കണോമിസ്റ്റുകള് 0.7% വര്ധനവാണ് പ്രതീക്ഷിച്ചത്.
ജനുവരിയില് ഭക്ഷ്യവിലകള് വര്ഷത്തില് 3.9% വെച്ചാണ് കൂടിയത്. ഡിസംബറില് ഇത് 3.3 ശതമാനമായിരുന്നു. ഫ്രഷ് ഫുഡ് ഇന്ഫ്ളേഷന് ഈ കാലയളവില് 4.4% ഉയര്ന്നു.
എനര്ജി ചെലവുകളും, നാഷണല് ഇന്ഷുറന്സും ചേര്ന്നാണ് ഷോപ്പുകളില് വിലക്കയറ്റം സംഭാവന ചെയ്യുന്നതെന്ന് ബിആര്സി ചീഫ് എക്സിക്യൂട്ടീവ് ഹെലെന് ഡിക്കിന്സണ് പറഞ്ഞു. മത്സ്യം, മാംസം, പഴങ്ങള് എന്നിവയാണ് ഏറ്റവും ബാധിക്കപ്പെടുന്നത്. സപ്ലൈ ദുര്ബലമാകുകയും, ഡിമാന്ഡ് ഉയരുകയും ചെയ്യുന്നുണ്ട്. ഭക്ഷ്യേതര ഉത്പന്നങ്ങളുടെയും വില കൂടുകയാണ്, അവര് കൂട്ടിച്ചേര്ത്തു.
