തിരുവനന്തപുരത്ത് യുവാക്കളെ ഇടിച്ച് തെറിപ്പിച്ച് നടന് മണിയന്പിള്ള രാജുവിന്റെ കാര്
തിരുവനന്തപുരത്ത് യുവാക്കളെ ഇടിച്ച് തെറിപ്പിച്ച് നടന് മണിയന്പിള്ള രാജുവിന്റെ കാര്. വാഹനത്തിന്റെ ആര് സി ഓണറുടെ പേര് സുധീര്കുമാര് എന്നാണ്. മണിയന്പിളള രാജുവിന്റെ യഥാര്ത്ഥ പേരാണ് സുധീര് കുമാര്. അപകടത്തിന് ശേഷം കാര് നിര്ത്താതെ പോയിരുന്നു. ട്രിവാന്ഡ്രം ക്ലബ്ബിന് മുന്നില് ഇന്നലെ രാത്രിയായിരുന്നു അപകടമുണ്ടായത്. അപകടത്തില് രണ്ട് യുവാക്കള്ക്ക് സാരമായി പരിക്കേറ്റിരുന്നു. ഇവര് ആശുപത്രിയില് ചികിത്സയിലാണ്.
സംഭവത്തില് താന് മദ്യപിച്ചിരുന്നില്ലെന്നാണ് മണിയന്പിള്ള രാജു പറയുന്നത്. ഭയം കൊണ്ടാണ് അപകടം സംഭവിച്ചതിന് പിന്നാലെ വാഹനമെടുത്ത് പോയതെന്നും അദ്ദേഹം പൊലീസിനെ അറിയിച്ചു. അഭിഭാഷകന് മുഖേനയാണ് മണിയന്പിള്ള രാജു പൊലീസുമായി ബന്ധപ്പെട്ടത്.
വൈദ്യപരിശോധനയ്ക്ക് തയ്യാറാണെന്ന് നടന് പൊലീസിനെ അറിയിച്ചിട്ടുണ്ട്. സ്റ്റേഷനില് ഹാജരായാല് ഉടന് അറസ്റ്റ് രേഖപ്പെടുത്താനും വൈദ്യപരിശോധനയ്ക്ക് വിധേയമാക്കാനുമാണ് പൊലീസിന്റെ നീക്കം. സ്റ്റേഷനില് ഹാജരാകാമെന്ന് മണിയന്പിള്ള രാജു അറിയിച്ചിട്ടുണ്ട്.
ട്രിവാന്ഡ്രം ക്ലബ്ബിന് മുന്നില് ഇന്നലെ രാത്രിയായിരുന്നു അപകടമുണ്ടായത്. അപകടത്തില് രണ്ട് യുവാക്കള്ക്ക് സാരമായി പരിക്കേറ്റിരുന്നു. ഇവര് ആശുപത്രിയില് ചികിത്സയിലാണ്.
സംഭവത്തില് പ്രതികരണവുമായി മണിയന്പിളള രാജുവിന്റെ മകന് നിരഞ്ജ് രംഗത്തെത്തിയിരുന്നു. മണിയന്പിളള രാജു ഇന്നലെ ദിവസം ട്രിവാന്ഡ്രം ക്ലബിലേക്ക് ഡ്രൈവര്ക്കൊപ്പം പോയിരുന്നുവെന്ന് നിരഞ്ജ് പറഞ്ഞു. ക്ലബിന് പുറത്തേക്ക് ഇറങ്ങിയപ്പോള് അച്ഛന്റെ വാഹനത്തിന് പിന്നില് ബൈക്ക് ഇടിക്കുകയായിരുന്നുവെന്നും നിരഞ്ജ് പറഞ്ഞു. സെക്യൂരിറ്റി ജീവനക്കാരില് നിന്നാണ് വിവരം അറിഞ്ഞതെന്നും നിരഞ്ജന് വ്യക്തമാക്കി. അപകടകരമായി വാഹനം ഓടിച്ചതിനും അലക്ഷ്യമായി, മനുഷ്യജീവന് ആപത്തുണ്ടാകുന്ന വിധത്തില് വാഹനമോടിച്ചതിനും പൊലീസ് കേസെടുത്തിട്ടുണ്ട്.
