ഇംഗ്ലണ്ടിലെ ലിങ്കണ് രൂപതയുടെ ബിഷപ്പായ റൈറ്റ് റവ. ക്രിസ്റ്റഫര് ലോ ലൈംഗികാതിക്രമവുമായി ബന്ധപ്പെട്ട അന്വേഷണത്തില് അറസ്റ്റിലായി. പ്രായപൂര്ത്തിയാകാത്ത ഒരു ആണ്കുട്ടിയെ ലക്ഷ്യമിട്ട് ലൈംഗികമായി അതിക്രമം നടത്തിയെന്നാരോപിച്ചാണ് പൊലീസ് നടപടി സ്വീകരിച്ചത്. 2005 മുതല് 2015 വരെ നടന്നതായി പറയുന്ന സംഭവവുമായി ബന്ധപ്പെട്ട പരാതിയുടെ അടിസ്ഥാനത്തിലാണ് അറസ്റ്റ് നടത്തിയതെന്ന് പൊലീസ് വ്യക്തമാക്കി.
അറസ്റ്റിന് പിന്നാലെ ബിഷപ്പിനെ ജാമ്യത്തില് വിട്ടതായി റിപ്പോര്ട്ടുണ്ട്. അന്വേഷണത്തില് പൂര്ണ്ണ സഹകരണം നല്കുമെന്ന് അദ്ദേഹം അറിയിച്ചതായി മാധ്യമങ്ങള് റിപ്പോര്ട്ട് ചെയ്തു. സഭയുടെ ഉത്തരവാദിത്തങ്ങള് നിര്വഹിക്കുന്നതില് നിന്ന് അദ്ദേഹം താത്കാലികമായി പിന്മാറിയതായി അറിയിച്ചിട്ടുണ്ട്. വിഷയത്തെ അതീവ ഗൗരവത്തോടെ കാണുന്നതായും ബന്ധപ്പെട്ട എല്ലാ നടപടികളും നിയമാനുസൃതമായി തുടരുമെന്നും രൂപത അധികൃതര് അറിയിച്ചു.
സംഭവം ഇംഗ്ലണ്ട് സഭയില് വലിയ ചര്ച്ചകള്ക്ക് വഴിവെച്ചിരിക്കുകയാണ്. ആരോപണത്തെ തുടര്ന്ന് ബിഷപ്പ് രാജിവെക്കണമെന്ന ആവശ്യം ഉയര്ന്നു വരുന്നുണ്ട്. വിശ്വാസികളുടെ വിശ്വാസം കാത്തുസൂക്ഷിക്കാനും പരാതിക്കാരന് നീതി ഉറപ്പാക്കാനും അന്വേഷണം നിര്ണായകമാണെന്ന് സഭാ വൃത്തങ്ങള് വ്യക്തമാക്കി.
