മന്ത്രി ഗണേഷിനെ കാണാന് പാടില്ലാത്ത സാഹചര്യത്തില് സ്ത്രീയ്ക്കൊപ്പം ബെഡ്റൂമില് കണ്ടെന്ന് ഭാര്യ, പോലീസ് സഹായിച്ചില്ല
ഗതാഗത വകുപ്പ് മന്ത്രി കെ.ബി. ഗണേഷ് കുമാറിനെതിരെ ഗുരുതര ആരോപണവുമായി ഭാര്യ ബിന്ദു മേനോന് . ഗണേഷ് കുമാറിനെ കാണാന് പാടില്ലാത്ത സാഹചര്യത്തില് സ്ത്രീയ്ക്കൊപ്പം ബെഡ്റൂമില് കണ്ടുവെന്നും ഇതിന്റെയെല്ലാം ഫോട്ടോകള് എടുത്ത തന്നെ ഗണേഷിന്റെ സന്തത സഹചാരികള് തടഞ്ഞുവെച്ച് മൊബൈല് ഫോണ് കൈക്കലാക്കാന് ശ്രമിച്ചുവെന്നും ആണ് പരാതി. പൊലീസ് സംഭവസ്ഥലത്ത് എത്തിയെങ്കിലും ഇടപെടാതെ പിന്വാങ്ങുകയായിരുന്നുവെന്നും ആരോപണമുണ്ട്. ഗതാഗത വകുപ്പ് മന്ത്രി കെ.ബി. ഗണേഷ് കുമാറിനെതിരെ ഭാര്യ പൊലീസിനെ സമീപിച്ചത് മുന് ഡിജിപി ആര് ശ്രീലേഖയുടെ നിര്ദേശപ്രകാരമാണ്. ആര് ശ്രീലേഖയുടെ ഭര്ത്താവിന്റെ സഹോദരിയാണ് ഗണേഷ് കുമാറിന്റെ ഭാര്യ. പറയാന് കഴിയാത്തത്ര മോശം കാര്യമാണ് കണ്ടതെന്നും തെളിവായി ചിത്രങ്ങള് കയ്യിലുണ്ടെന്നും ബിന്ദു പറഞ്ഞു. ഇക്കാര്യങ്ങള് മുഖ്യമന്ത്രിയുടെ മകളെ അറിയിച്ചതായും അവര് വ്യക്തമാക്കി.
വാളകത്തെ വീട്ടില് ഉണ്ടായ അനിഷ്ടസംഭവങ്ങളുമായി ബന്ധപ്പെട്ടാണ് കഴിഞ്ഞ ദിവസം ഗണേഷ് കുമാറിന്റെ ഭാര്യ തിരുവനന്തപുരത്തെ പൊലീസ് ഹെഡ് ക്വാര്ട്ടേഴ്സില് കൈകാര്യം ചെയ്യുന്ന 112 നമ്പറില് പരാതി അറിയിച്ചത്. ശനിയാഴ്ച്ച ഉച്ചയ്ക്ക് രണ്ടു മണിയോടെയാണ് സംഭവം. വാളകത്തെ കുടുംബവീട്ടില് മുന്നറിയിപ്പില്ലാതെ എത്തിയ ഭാര്യ, ഗണേഷിനെ കാണാന് പാടില്ലാത്ത സാഹചര്യത്തില് കാണുകയായിരുന്നു. മുന് ഡിജിപി ആര്. ശ്രീലേഖയുടെ ഭര്ത്താവിന്റെ സഹോദരിയായ ഭാര്യ ഉടനെ അവരുമായി ബന്ധപ്പെട്ടു. നടന്ന കാര്യങ്ങളെക്കുറിച്ച് ശ്രീലേഖയെ ധരിപ്പിച്ചപ്പോള് സുരക്ഷയ്ക്കായി സര്ക്കാര് ഏര്പ്പെടുത്തിയ 112 ടോള് ഫ്രീ നമ്പറില് വിളിച്ച് സഹായം തേടാനാണ് ശ്രീലേഖ ഉപദേശിച്ചത്.
ഇതുപ്രകാരം തിരുവനന്തപുരത്തെ പൊലീസ് ഹെഡ് ക്വാര്ട്ടേഴ്സില് കൈകാര്യം ചെയ്യുന്ന 112 നമ്പറില് ബന്ധപ്പെട്ട ഭാര്യ താനാരാണെന്നും കാര്യത്തിന്റെ ഗുരുതരാവസ്ഥയെക്കുറിച്ചും പോലീസിനെ അറിയിച്ചു. താമസിയാതെ സ്ഥലത്തെത്തിയ പോലീസ് സംഭവത്തില് ഇടപെടാതെ പിന്വാങ്ങുകയായിരുന്നു. അവിടെ ഉണ്ടായ കാര്യങ്ങളുടെ ഫോട്ടോ എടുത്തതോടെ ചിലര് ഇടപെട്ട് മൊബൈല് ഫോണ് പിടിച്ചുവാങ്ങാന് ശ്രമിച്ചുവെന്നാണ് ആരോപണം. ഭാര്യയില്നിന്ന് മൊബൈല് കൈക്കലാക്കാന് സഹായികളായ പ്രദീപിനോടും ശാന്തനോടും നിര്ദേശം നല്കുകയാണ് മന്ത്രി ചെയ്തതെന്നാണ് ആരോപണം. ഇതനുസരിച്ച് വാതില് കുറ്റിയിട്ട് സഹായികള് ഇവരില്നിന്ന് മൊബൈല് തട്ടിപ്പറിക്കാന് ശ്രമിച്ചെങ്കിലും അവര് വിട്ടുകൊടുത്തില്ല. ഇതിനിടയില് പോലീസിന്റെ സഹായത്തിനായി ഉച്ചത്തില് കരഞ്ഞ് അപേക്ഷിച്ചു. പിടിവലികള്ക്കിടിയില് വാതില് തുറന്ന് പുറത്തിറങ്ങിയ ഭാര്യ പുറത്ത് പൊലീസ് സംഘത്തെ കാണാതിരുന്നതിനാല് താന് വന്ന ടാക്സി കാറില് തിരിച്ചുപോവുകയായിരുന്നു.
എന്നാല് തനിക്കെതിരെ ഉയരുന്ന വിവാദങ്ങള് തെരഞ്ഞെടുപ്പിന്റെ ഭാഗമാണെന്ന് ഗണേഷ് കുമാര് പ്രതികരിച്ചു. പത്തനാപുരം നിയമസഭാ മണ്ഡലത്തില് ഇത്തരം കഥകള്ക്ക് പ്രാധാന്യമില്ലെന്നും ആരോപണത്തിന് പിന്നില് കോണ്ഗ്രസാണെന്നും മന്ത്രി ആരോപിച്ചു. ഗണേഷ് കുമാറിന് പ്രണയമുണ്ടോ എന്നത് മാധവിക്കുട്ടിയോട് പ്രണയമുണ്ടോ എന്ന് ചോദിക്കുന്നത് പോലെയാണ്. ഗണേഷ് കുമാറിന് ഒന്നല്ല ഒരായിരം പ്രണയങ്ങളുണ്ടെന്നും തനിക്ക് എപ്പോഴും വീട്ടില് തന്നെയാണ് ശത്രുക്കളെന്നും അദ്ദേഹം പറഞ്ഞു. ഒരാളുടെ വ്യക്തിപരമായ കാര്യവും രാഷ്ട്രീയവും തമ്മില് എന്ത് ബന്ധമെന്നും അദ്ദേഹം ചോദിച്ചു.
രാഹുല് മാങ്കൂട്ടത്തിലിന്റെ അത്ര അധഃപതനം തനിക്കില്ലെന്നും ആരോപണങ്ങള് ശരിയാണെങ്കിലും തെറ്റാണെങ്കിലും തള്ളിക്കളയുന്നുവെന്നും കോണ്ഗ്രസ് രാഷ്ട്രീയ മുതലെടുപ്പ് നടത്തുന്നുവെന്നും ഗണേഷ് കുമാര് പറഞ്ഞു. അതേസമയം മേയര് സ്ഥാനം കിട്ടാത്തതിന്റെ കൊതിക്കെറുവാണ് ആര് ശ്രീലേഖ തീര്ക്കുന്നതെന്നും ഇക്കാര്യത്തില് ഇടപെടാന് ശ്രീലേഖ ആരാണെന്നും മന്ത്രി ചോദിച്ചു.
