പ്രസ്റ്റണ് മലയാളികളുടെ പ്രിയപ്പെട്ട 'ചാക്കോ മാഷ്' എന്ന ചാക്കോച്ചന് മാത്യു(70) വിടവാങ്ങി. ലുക്കീമിയ ബാധിച്ച് ചികിത്സയിലായിരുന്ന ചാക്കോച്ചന് അസുഖത്തില് നിന്നും സുഖം പ്രാപിച്ചിരുന്നു. തുടര്ന്ന് നാട്ടില് പോയിരുന്ന അദ്ദേഹം തിരിച്ചെത്തിയപ്പോള് ഉണ്ടായ അണുബാധ മൂലം ആശുപത്രിയില് ചികിത്സയിലായിരുന്നു. അതിനിടെയാണ് മരണം സംഭവിച്ചത്. തികച്ചും അപ്രതീക്ഷിതമായിട്ടാണ് ചാക്കോച്ചന്റെ മരണ വാര്ത്ത എത്തിയത്.
പ്രസ്റ്റണ് മലയാളികള്ക്കിടയില് അനേകം വര്ഷങ്ങളായി സജീവമായി പ്രവര്ത്തിച്ചിരുന്ന വ്യക്തിയായിരുന്നു ചാക്കോച്ചന് മാത്യു. ആദ്യകാല മലയാളിയായ അദ്ദേഹം ഏവര്ക്കും പ്രിയങ്കരനായിരുന്നു. അതുകൊണ്ടു തന്നെ, മരണ വാര്ത്ത പ്രസ്റ്റണിലെ മലയാളി സമൂഹത്തെ ഞെട്ടിച്ചിട്ടുണ്ട്.
അതേസമയം, മൃതദേഹം നാട്ടിലേക്ക് കൊണ്ടുപോകുവാനാണ് തീരുമാനിച്ചിരിക്കുന്നത് എന്നാണ് അടുത്ത വൃത്തങ്ങളില് നിന്നും അറിയാന് സാധിച്ചത്. നാട്ടില് കണ്ണൂര് കൊട്ടിയൂര് നീണ്ടുനോക്കി മാളിയേക്കപ്പറമ്പില് കുടുംബാംഗമാണ്.
ഭാര്യ ത്രേസ്യാമ്മ. മക്കള് - ജിമില്, ജെറ്റ്സണ്, എഡ്വിന്. മരുമക്കള് - ആഗ്ര ജിമില്, ആല്ഫ ജെറ്റ്സണ്. കൊച്ചുമക്കള് - ടെസ്സ, ടിയ, സോഫിയ.
