ജോസഫ് ഗ്രൂപ്പില് തലമുറ മാറ്റം; പി.ജെ ജോസഫിന് പകരം മകന് അപു ജോണ് ജോസഫ്; 8 സ്ഥാനാര്ഥികളെ പ്രഖ്യാപിച്ചു, 5 പുതുമുഖങ്ങള്
ഇടുക്കി: തൊടുപുഴയില് കേരള കോണ്ഗ്രസ് ചെയര്മാന് പി. ജെ. ജോസഫ് ഇത്തവണ മത്സരത്തിനില്ല. പകരം മകന് അപു ജോണ് ജോസഫ് മത്സരിക്കും. അര നൂറ്റാണ്ടിലധികമായി പി. ജെ. ജോസഫ് മത്സരിച്ചുവരുന്ന മണ്ഡലമാണ് തൊടുപുഴ. 1970 മുതല് പത്ത് തവണ തൊടുപുഴ മണ്ഡലത്തില് നിന്ന് പി. ജെ. ജോസഫാണ് മത്സരിച്ചിരുന്നത്. പി. ജെ. ജോസഫ് മത്സരിക്കുന്നില്ലെങ്കില് താന് തിരഞ്ഞെടുപ്പില് മത്സരിക്കുന്നതിനെക്കുറിച്ച് ആലോചിക്കുമെന്ന് അപു നേതൃത്വത്തെ അറിയിച്ചിരുന്നു.
ഏറ്റുമാനൂര്, ഇടുക്കി സീറ്റുകള് കോണ്ഗ്രസിന് വിട്ടുനല്കിയിരുന്നു. തൃക്കരിപ്പൂരിന് പകരം കാഞ്ഞങ്ങാട് കേരള കോണ്ഗ്രസിന് ലഭിച്ചു. മത്സര രംഗത്ത് നിന്നുള്ള പിന്മാറ്റം പിജെ ജോസഫിന്റെ താല്പര്യ പ്രകാരമാണെന്ന് പിസി തോമസ് പറഞ്ഞു. സീറ്റുകള് വിട്ടുകൊടുത്തത് ഒരു തവണത്തേക്ക് മാത്രമാണ്. അടുത്ത തവണ തിരികെ നല്കുമെന്ന് പ്രതിപക്ഷ നേതാവ് ഉറപ്പ് നല്കിയെന്ന് അദേഹം വ്യക്തമാക്കി.
തിരുവല്ല- അഡ്വ.വര്ഗീസ് മാമ്മന്
കുട്ടനാട്-റെജി ചെറിയാന്
ചങ്ങനാശേരി- വിനു ജോബ്
കടുത്തുരുത്തി-അഡ്വ. മോന്സ് ജോസഫ്
തൊടുപുഴ- അപു ജോണ് ജോസഫ്
കോതമംഗലം- ഷിബു തെക്കുംപുറം
ഇരിങ്ങാലക്കുട-അഡ്വ. തോമസ് ഉണ്ണിയാടന്
കാഞ്ഞങ്ങാട്-ഷൈജി ഓട്ടപ്പള്ളി
