ലണ്ടനിലെ ഗോള്ഡേഴ്സ് ഗ്രീന് പ്രദേശത്ത് യഹൂദ സമുദായത്തിന്റെ ആംബുലന്സ് സേവനത്തിന് നേരെ നടന്ന ആക്രമണത്തിന്റെ അന്വേഷണം കൗണ്ടര് ടെറര് പൊലീസ് ഏറ്റെടുത്തു. ഇത് യഹൂദ വിരുദ്ധ വിദ്വേഷ കുറ്റമാണെന്ന് പൊലീസ് വ്യക്തമാക്കി.
തിങ്കളാഴ്ച പുലര്ച്ചെ നാല് ആംബുലന്സുകള്ക്കാണ് അക്രമികള് തീയിട്ടത്. വാഹനങ്ങളിലുണ്ടായിരുന്ന ഗ്യാസ് സിലിണ്ടര് പൊട്ടിത്തെറിച്ചതോടെ സ്ഫോടനമുണ്ടായി. സമീപ വീടുകള്ക്ക് കേടുപാട് സംഭവിച്ചു. കറുത്ത വേഷം ധരിച്ചെത്തിയ മൂന്നുപേര് തീവച്ച ശേഷം രക്ഷപ്പെടുന്ന ദൃശ്യം പുറത്തുവന്നു. ആരേയും അറസ്റ്റ് ചെയ്തിട്ടില്ല.
അഗ്നിശമന സേന സ്ഥലത്തെത്തി തീ നിയന്ത്രണ വിധേയമാക്കി. രണ്ടു മണിക്കൂര് കൊണ്ടാണ് തീ അണച്ചത്. ആളപായമില്ലെങ്കിലും കെട്ടിടങ്ങള്ക്ക് കേടുപാടുണ്ടായി. നശിപ്പിക്കപ്പെട്ട ആംബുലന്സുകള് പുനസ്ഥാപിക്കാന് സഹായം നല്കുമെന്ന് സര്ക്കാര് അറിയിച്ചു. അടിയന്തര സേവനം തടസ്സമാകാതിരിക്കാനുള്ള സൗകര്യവും ഒരുക്കി.
ആക്രമണത്തിന്റെ ഉത്തരവാദിത്വം ഇറാന് അനുകൂല സംഘടന ഏറ്റെടുത്തിരുന്നു.
യഹൂദ സമൂഹത്തിന് നേരെ ആക്രമണങ്ങള് വര്ദ്ധിക്കുന്നത് ആശങ്കയേകുന്നു. കുറ്റവാളികളെ കണ്ടെത്തി ശക്തമായ നടപടിയെടുക്കുമെന്ന് ഷബാന മഹ്മൂദ് വ്യക്തമാക്കി.
