സൗദി അറേബ്യയില്‍ ഉണ്ടായ വാഹനാപകടത്തില്‍ മലയാളി യുവതിയ്ക്ക് ദാരുണാന്ത്യം. വിവാഹം കഴിഞ്ഞ് ഏതാനും ദിവസങ്ങള്‍ക്കകം ഉണ്ടായ ഈ ദുരന്തം കുടുംബത്തെയും നാടിനേയും ഒരുപോലെ ദുഃഖത്തിലാഴ്ത്തി.
വയനാട് വൈത്തിരി സ്വദേശിനിയായ ഹിദ നൗറിന്‍ (23) ആണ് മരിച്ചത്. ദമാം റിയാദ് ഹൈവേയിലെ ഉമ്മുല്‍ അറാര്‍ പ്രദേശത്തുണ്ടായ അപകടത്തിലാണ് യുവതി മരിച്ചത്.
യാത്രയ്ക്കിടെ വാഹനം അപകടത്തില്‍പ്പെട്ടതിനെത്തുടര്‍ന്നാണ് ഹിദ നൗറിന്‍ സംഭവ സ്ഥലത്തുവച്ച് തന്നെ മരിച്ചത്. ഭര്‍ത്താവ് യാസീര്‍ ചികിത്സയിലാണ്. ഹിദയുടെ മൃതദേഹം സൗദിയില്‍ തന്നെ സംസ്‌കരിക്കുമെന്ന് ബന്ധുക്കള്‍ അറിയിച്ചു. ഒരാഴ്ച മുമ്പായിരുന്നു വിവാഹം.
