മിഡില് ഈസ്റ്റ് സംഘര്ഷത്തിനിടെ പ്രതിരോധ നടപടികളുമായി ബ്രിട്ടീഷ് സൈനികരേയും പ്രതിരോധ സംവിധാനത്തേയും വിന്യസിക്കുമെന്ന് യുകെ പ്രതിരോധ സെക്രട്ടറി ജോണ് ഹീലി അറിയിച്ചു. സൗദി അറേബ്യ, ബഹ്റൈന്, കുവൈറ്റ് എന്നിവിടങ്ങളിലേക്ക് അധിക യുദ്ധ സംവിധാനങ്ങള് അയയ്ക്കും.
സൗദി, ബഹ്റൈന്, കുവൈത്ത് എന്നിവിടങ്ങളിലേക്ക് അധിക യുദ്ധ സംവിധാനങ്ങള് അയയ്ക്കും. ഖത്തറിലെ ടൈഫൂണ് യുദ്ധ വിമാനങ്ങളുടെ വിന്യാസവും കൂട്ടാന് തീരുമാനിച്ചിട്ടുണ്ട്. ഇതോടെ ഗള്ഫ് മേഖലയിലും സൈപ്രസിലും പ്രവര്ത്തിക്കുന്ന യുകെ സൈനികരുടെ എണ്ണം ആയിരമായി ഉയരും. ഇറാന് ആക്രമണ ഭീഷണി വര്ധിക്കുന്ന സാഹചര്യത്തിലാണ് പുതിയ നീക്കമെന്ന് ഹീലി വ്യക്തമാക്കി.
യുദ്ധത്തില് നേരിട്ട് പങ്കെടുക്കില്ലെന്ന നിലപാട് യുകെ സര്ക്കാര് ആവര്ത്തിച്ചു. ഇതു നമ്മുടെ യുദ്ധമല്ലെന്ന് കീര് സ്റ്റാര്മര് പ്രതികരിച്ചിരുന്നു. യുകെ മിനിസ്ട്രി ഓഫ് ഡിഫൈന്സ് വിവിധ രാജ്യങ്ങളിലേക്ക് മിസൈല് പ്രതിരോധ സംവിധാനങ്ങള് വിന്യസിച്ചിട്ടുണ്ട്.
ഹോര്മുസ് കടലിടുക്കിലെ സുരക്ഷ ഉറപ്പാക്കാന് അന്താരാഷ്ട്ര സഹകരണം ആവശ്യമാണെന്നും ഹീലി പറഞ്ഞു. അമേരിക്കയുടെ സൈനിക പ്രവര്ത്തനങ്ങള്ക്ക് യുകെ പിന്തുണ നല്കുന്നത് നിര്ത്തണമെന്ന് ഒരു വിഭാഗം ആവശ്യപ്പെടുന്നുണ്ട്.
അതിനിടെ, ട്രംപ് യുകെയുടെ നിലപാടിനെ വിമര്ശിച്ച് രംഗത്തെത്തി. ഇറാനെതിരായ ആക്രമണങ്ങളില് പങ്കെടുത്തില്ലെങ്കില് സ്വന്തം താല്പര്യങ്ങള് സംരക്ഷിക്കാന് കൂടുതല് ശക്തമായ നിലപട് സ്വീകരിക്കണമെന്നും അദ്ദേഹം ആവശ്യപ്പെട്ടു. ഹോര്മുസ് കടലിടുക്കിലൂടെ ഇന്ധനം ലഭ്യമാക്കുന്നതില് പ്രശ്നമുണ്ടെങ്കില് മറ്റു രാജ്യങ്ങള് സ്വയം നടപടി സ്വീകരിക്കണമെന്നും ട്രംപ് പറഞ്ഞു.
