യുകെയുടെ റെന്റേഴ്സ് റൈറ്റ്സ് ആക്ട് പരിഷ്കരിച്ച മാറ്റങ്ങളുമായി പ്രാബല്യത്തില്വന്നു. വാടകക്കാര്ക്കും, ലാന്ഡ്ലോര്ഡ്സിനും നിരവധി മാറ്റങ്ങള്ക്കൊപ്പമാണ് നിയമം നിലവിലെത്തുന്നത്.
സെക്ഷന് 21 പ്രകാരമുള്ള നോ-ഫോള്ട്ട് എവിക്ഷന് ഉള്പ്പെടെ അവസാനിപ്പിച്ച് കൊണ്ടാണ് പ്രൈവറ്റ് റെന്റിംഗ് പരിഷ്കാരങ്ങള് വരുന്നത്. 11 മില്ല്യണ് പ്രൈവറ്റ് റെന്റേഴ്സിനും, 2.3 മില്ല്യണ് ലാന്ഡ്ലോര്ഡ്സിനും ഇത് സാരമായ മാറ്റങ്ങളാണ് സമ്മാനിക്കുന്നത്.
മുന്കൂര് നോട്ടീസും, ന്യായീകരണവുമില്ലാതെ വാടകക്കാരെ പുറത്താക്കാന് വഴിയൊരുക്കിയ സെക്ഷന് 21 എടുത്ത് കളഞ്ഞുവെന്നതാണ് റെന്റേഴ്സ് റൈറ്റ്സ് ആക്ടിലെ പ്രധാന മാറ്റം.
ഇതിന് പുറമെ ലാന്ഡ്ലോര്ഡ്സിന് ലേലം വിളിച്ച് വാടകയ്ക്ക് കൊടുക്കുന്നതും അവസാനിപ്പിക്കേണ്ടി വരും. പരസ്യം ചെയ്ത വാടകയില് കൂടുതല് ഇവര്ക്ക് ചോദിക്കാന് കഴിയില്ല. ഒരു മാസത്തെ വാടക മാത്രം മുന്കൂറായി വാങ്ങാന് അനുമതിയുള്ളുവെന്നതാണ് മറ്റൊരു സുപ്രധാന മാറ്റം. കൂടാതെ വളര്ത്തുമൃഗങ്ങളെ അനുവദിക്കില്ലെന്ന് ഒറ്റയടിക്ക് പറയാതെ വാടകക്കാര് ആവശ്യപ്പെട്ടാല് ഇത് പരിഗണിക്കണം.
ഇതിന് പുറമെ ഫിക്സഡ് ടേം ടെനന്സി കോണ്ട്രാക്ടുകള് അവസാനിപ്പിച്ചതാണ് മറ്റൊരു മാറ്റം. ഇതിന് പകരം വരുന്ന റോളിംഗ് കോണ്ട്രാക്ട് കൂടുതല് ഫ്ളെക്സിബിലിറ്റി നല്കും. വീടുകളുടെ നിലവാരം സുരക്ഷിതമാക്കണമെന്നതും ബില്ലില് ഉള്പ്പെടുന്നു.
