തമിഴ്നാട് നിയമസഭാ തിരഞ്ഞെടുപ്പ് വോട്ടെണ്ണല് പുരോഗമിക്കവേ അരങ്ങേറ്റത്തില് തന്നെ കളംപിടിച്ച് നടന് വിജയിയുടെ ടിവികെ. 234 മണ്ഡലങ്ങളില് 109 ഇടങ്ങളില് ടിവികെ ലീഡ് ചെയ്യുന്നു.
ഡിഎംകെ സഖ്യം 50 സീറ്റുകളിലും എഐഎഡിഎംകെ സഖ്യം 80 സീറ്റുകളിലുമാണ് ലീഡ് ചെയ്യുന്നത്. തിരുച്ചിറപ്പള്ളി (ഈസ്റ്റ്), പെരമ്പൂര് മണ്ഡലങ്ങളില് നിന്ന് മത്സരിക്കുന്ന വിജയ്, തിരുച്ചിറപ്പള്ളി (ഈസ്റ്റ്) മണ്ഡലത്തില് ലീഡ് ചെയ്യുകയാണ്.
തമിഴ്നാടിന്റെ രാഷ്ട്രീയ ചരിത്രത്തില് വലിയൊരു അട്ടിമറിക്കാണ് നിലവില് കളമൊരുങ്ങുന്നത്. ചെന്നൈ നഗരമൊഴികെ സംസ്ഥാനത്തിന്റെ എല്ലാ മേഖലകളിലും ഡിഎംകെ സഖ്യത്തെ പിന്നിലാക്കാന് ടിവികെയ്ക്ക് സാധിച്ചു. എഐഎഡിഎംകെ ജനറല് സെക്രട്ടറി എടപ്പാടി പളനിസ്വാമിയുടെ കോട്ടയായ പടിഞ്ഞാറന് തമിഴ്നാട്ടിലും വടക്കന് തമിഴ്നാട്ടിലും എഐഎഡിഎംകെ മുന്നേറ്റം നടത്തുന്നുണ്ടെങ്കിലും സംസ്ഥാനാടിസ്ഥാനത്തില് ടിവികെ കരുത്തുകാട്ടുകയാണ്.
എടപ്പാടി മണ്ഡലത്തില് എഐഎഡിഎംകെ നേതാവ് എടപ്പാടി കെ. പളനിസ്വാമിയാണ് ലീഡ് ചെയ്യുന്നത്. ഡിഎംകെയുടെ സി. കാശിയാണ് എതിരാളി. കൊളത്തൂര് മണ്ഡലത്തില് എം.കെ. സ്റ്റാലിനും മുന്നിലാണ്.
