രണ്ടക്കം കടക്കുമെന്ന് അവകാശപ്പെട്ട കേരളത്തിലെ ബിജെപിയ്ക്ക് മൂന്നു സീറ്റ്ലഭിച്ചു. എങ്കിലും സര്‍ക്കാര്‍ വിരുദ്ധ വികാരവും യുഡിഎഫ് തരംഗവും വീശിയടിച്ച തിരഞ്ഞെടുപ്പില്‍ മൂന്നിടത്ത് വിജയിക്കാനായി എന്നതാണ് വലിയ നേട്ടം. അതില്‍ കേരളത്തില്‍ അധികമാരും പ്രതീക്ഷിക്കാതിരുന്ന കൊല്ലം ജില്ലയിലെ ചാത്തന്നൂരില്‍ താമര വിരിഞ്ഞുവെന്നതാണ് ശ്രദ്ധേയം.
ബിജെപിക്ക് സംഘടനാ സ്വാധീനം കൂടുതലുള്ള പാലക്കാട്, നേമം, കഴക്കൂട്ടം, വട്ടിയൂര്‍കാവ് മണ്ഡലങ്ങളെ അപേക്ഷിച്ച് ചാത്തന്നൂരിലെ വിജയം ബിജെപിയെ സംബന്ധിച്ചിടത്തോളം അട്ടിമറി വിജയമാണ്. എല്‍ഡിഎഫ് സ്ഥാനാര്‍ഥിയായ സിപിഐയിലെ ആര്‍ രാജേന്ദ്രനെ 4012 വോട്ടിനാണ് ബി ബി ഗോപകുമാര്‍ പരാജയപ്പെടുത്തിയത്.
നേമത്ത് മന്ത്രി വി ശിവന്‍ കുട്ടിയെ 2876 വോട്ടിന്റെ ഭൂരിപക്ഷത്തിലാണ് ബിജെപി സംസ്ഥാന അധ്യക്ഷനായ രാജീവ് ചന്ദ്രശേഖര്‍ പരാജയപ്പെടുത്തിയത്. കഴക്കൂട്ടത്ത് 265 വോട്ടിനാണ്
വി മുരളീധരന്റെ വിജയം.
ഫോട്ടോ കടപ്പാട് -മാതൃഭൂമി
