റിയാലിറ്റി ഷോയായ ബിഗ് ബോസിലൂടെ വന്നു ആരാധകരെ സൃഷ്ടിച്ച വ്യക്തികളാണ് ഡോ. റോബിന് രാധാകൃഷ്ണനും അഖില് മാരാറും. 2026-ലെ കേരള നിയമസഭ തെരഞ്ഞെടുപ്പില് മലയാളികള് ആകാംക്ഷയോടെ ഉറ്റുനോക്കിയ രണ്ട് പോരാട്ടങ്ങളായിരുന്നു കുണ്ടറയിലേയും തൃക്കാക്കരയിലേയും മത്സരങ്ങള്.
എന്നാല് തിരഞ്ഞെടുപ്പ് ഫലം പുറത്തുവന്നപ്പോള്, ഡിജിറ്റല് ലോകത്തെ ലൈക്കുകളും കമന്റുകളും വോട്ട് പെട്ടിയില് പ്രതിഫലിക്കില്ലെന്ന കയ്പ്പുള്ള സത്യമാണ് ഈ താരങ്ങള്ക്ക് നേരിടേണ്ടി വന്നത്.
കുണ്ടറയില് വോട്ടെണ്ണിക്കഴിഞ്ഞപ്പോള് ചിത്രം തികച്ചും വ്യത്യസ്തമായിരുന്നു. യുഡിഎഫ് സ്ഥാനാര്ത്ഥി പി.സി. വിഷ്ണുനാഥിന് ലഭിച്ചത് 87,862 വോട്ടുകളാണ്. എല്ഡിഎഫ് സ്ഥാനാര്ത്ഥി എസ്.എല്. സജികുമാറിന് 55,298 വോട്ടുകള് ലഭിച്ചപ്പോള്, റോബിന് രാധാകൃഷ്ണന് നേടാനായത് വെറും 18,996 വോട്ടുകള് മാത്രമാണ്.
ബിഗ് ബോസ് സീസണ് 5-ലെ വിജയിയായ അഖില് മാരാരുടെ സാന്നിധ്യമായിരുന്നു തൃക്കാക്കരയിലെ പ്രധാന ആകര്ഷണം. എന്നാല് ഫലം വന്നപ്പോള് അഖില് മാരാര്ക്ക് കനത്ത പരാജയമാണ് നേരിടേണ്ടി വന്നത്. യുഡിഎഫ് സ്ഥാനാര്ത്ഥി ഉമ തോമസ് 83,375 വോട്ടുകള് നേടി 50,211 എന്ന റെക്കോര്ഡ് ഭൂരിപക്ഷത്തോടെ വിജയിച്ചപ്പോള്, അഖില് മാരാര്ക്ക് ലഭിച്ചത് വെറും 21,424 വോട്ടുകള് മാത്രമാണ്. എല്ഡിഎഫ് സ്ഥാനാര്ത്ഥി അഡ്വ. പുഷ്പ ദാസ് 33,164 വോട്ടുകളുമായി രണ്ടാം സ്ഥാനത്തെത്തി.
