ഇംഗ്ലണ്ടിലെ നോട്ടിംഗ്ഹാംഷെയറിലെ ആര്ണോള്ഡ് ടൗണ് സെന്ററില് കാര് ഇടിച്ച് അഞ്ചുപേര്ക്ക് പരിക്കേറ്റ സംഭവത്തില് പ്രതിയ്ക്കെതിരെ കൊലപാതകശ്രമത്തിന് പൊലീസ് അറസ്റ്റ് ചെയ്തു. ശനിയാഴ്ച പുലര്ച്ചെ 1.10ഓടെയായിരുന്നു സംഭവം. പരിക്കേറ്റവരില് ഒരാളുടെ നില അതീവ ഗുരുതരമാണെന്നും അദ്ദേഹം ആശുപത്രിയില് ചികിത്സയിലാണെന്നും നോട്ടിംഗ്ഹാംഷെയര് പൊലീസ് അറിയിച്ചു. മറ്റ് നാല് പേരുടെ പരിക്ക് ഗുരുതരമല്ല.
സംഭവത്തിന് തൊട്ടുമുമ്പ് ടൗണ് സെന്ററില് ഉണ്ടായ തര്ക്കത്തിന് പിന്നാലെ കാര് മനപ്പൂര്വ്വം സംഘത്തിലേക്ക് ഓടിച്ചുകയറ്റിയതാണെന്നാണ് പൊലീസിന്റെ പ്രാഥമിക നിഗമനം.
സംഭവവുമായി ബന്ധപ്പെട്ട് 40കാരനായ ഒരാളെ പൊലീസ് കസ്റ്റഡിയില് എടുത്തിട്ടുണ്ട്. കാര് ഉപേക്ഷിച്ച് ഡ്രൈവര് കടന്നുകളഞ്ഞെങ്കിലും പിന്നീട് ഇയാളെ പിടികൂടി
സംഭവത്തില് ഭീകരവിരുദ്ധ വിഭാഗം അന്വേഷണം നടത്തുന്നില്ലെന്നും പൊതുജനങ്ങള്ക്ക് നിലവില് ഭീഷണിയില്ലെന്നും പൊലീസ് അറിയിച്ചു.
