അക്രമകാരികളായ തെരുവുനായകളെ ദയാവധം ചെയ്യാമെന്ന് സുപ്രീം കോടതി. രാജ്യത്തെ തെരുവുനായ പ്രശ്നം പരിഹരിക്കാന് സുപ്രധാനമായ നിര്ദേശങ്ങളാണ് കോടതി മുന്നോട്ടുവച്ചത്. തെരുവുനായകള്ക്കെതിരെ നടപടിയെടുക്കുന്ന മുനിസിപ്പല് ജീവനക്കാര്ക്ക് നിയമപരമായ സംരക്ഷണം നല്ണം. സ്കൂളുകള്, കോളേജുകള് തുടങ്ങിയ സ്ഥലങ്ങളില് അലഞ്ഞുതിരിഞ്ഞു നടക്കുന്ന തെരുവുനായകളെ നീക്കാനും സുപ്രീം കോടതി നിര്ദേശിച്ചു.
പ്രകടമായും അപകടകാരികളും ആക്രമണാത്മക സ്വഭാവമുള്ള തെരുവുനായകളെ ദയാവധം ചെയ്യാമെന്നാണ് സുപ്രീം കോടതിയുടെ സുപ്രധാനമായ ഉത്തരവ്. ജസ്റ്റിസുമാരായ വിക്രം നാഥ്, സന്ദീപ് മേത്ത, എന്.ജെ. അന്ജാരിയാ എന്നിവരടങ്ങിയ ബെഞ്ചിന്റേതാണ് ഉത്തരവ്. സ്കൂളുകള്, കോളേജുകള് തുടങ്ങിയ സ്ഥലങ്ങളില് അലഞ്ഞുതിരിഞ്ഞു നടക്കുന്ന തെരുവുനായകളെ വന്ധ്യംകരണത്തിന് ശേഷം ഷെല്ട്ടറിലേക്ക് മാറ്റണം. എവിടെ നിന്നാണോ തെരുവുനായകളെ പിടികൂടുന്നത് അവിടെ തുറന്നു വിടരുതെന്ന മുന് ഉത്തരവില് ഇടപെടാന് സുപ്രീം കോടതി വിസ്സമ്മതിച്ചു.
ഭരണഘടന ഉറപ്പ് നല്കുന്ന അവകാശമാണ് പൗരന്മാരുടെ സഞ്ചാരസ്വാതന്ത്ര്യം. ഏതെങ്കിലും ഒരു ജീവിയെ പേടിച്ച് സഞ്ചാരസ്വാതന്ത്ര്യം ഹനിക്കാനാകില്ല. പൊതുസുരക്ഷയ്ക്ക് ഭീഷണിയാകുന്ന തെരുവുനായകള്ക്കെതിരെ നടപടിയെടുക്കണം. സര്ക്കാരുകള്ക്ക് മൂകസാക്ഷിയായി ഇരിക്കാനാകില്ലെന്നും സുപ്രീം കോടതി വ്യക്തമാക്കി.
