യുകെയില്‍ രൂക്ഷമാകുന്ന യുവ തൊഴിലില്ലായ്മ പ്രതിസന്ധി നേരിടാന്‍ പുതിയ നീക്കവുമായി സര്‍ക്കാര്‍ . പ്രമുഖ റീട്ടെയില്‍ ശൃംഖലയായ മാര്‍ക്ക്‌സ് ആന്‍ഡ് സെപ്ന്‍സറുടെ മുന്‍ ചീഫ് എക്‌സിക്യൂട്ടീവ് മാര്‍ക്ക് ബോളണ്ടിനെ തൊഴില്‍ വിഷയങ്ങളിലെ സര്‍ക്കാര്‍ ഉപദേഷ്ടാവായി നിയമിച്ചു. 2010 മുതല്‍ 2016 വരെ മാര്‍ക്‌സ് ആന്‍ഡ് സ്‌പെന്‍സറിനെ നയിച്ച ബൊളാന്‍ഡ്, രാജ്യത്തെ പ്രമുഖ വ്യവസായ നേതാക്കളുടെ ഉച്ചകോടിക്ക് നേതൃത്വം നല്‍കും. അടിയന്തര ഇടപെടലില്ലെങ്കില്‍ രാജ്യം കനത്ത തിരിച്ചടി നേരിടേണ്ടിവരുമെന്ന മുന്നറിയിപ്പുകള്‍ക്കിടെയാണ് ഈ നിയമനം.
നിലവില്‍ 16 മുതല്‍ 24 വയസ് വരെയുള്ള ഏകദേശം 10 ലക്ഷം യുവാക്കള്‍ വിദ്യാഭ്യാസത്തിലോ തൊഴില്‍ മേഖലയിലോ പരിശീലന പരിപാടികളിലോ ഇല്ല. മുന്‍ ആരോഗ്യ സെക്രട്ടറി അലന്‍ മില്‍ബന്‍ സമര്‍പ്പിച്ച ഇടക്കാല റിപ്പോര്‍ട്ട് പ്രകാരം, ശക്തമായ നടപടികളില്ലെങ്കില്‍ 2030-കളോടെ ഈ എണ്ണം 12.5 ലക്ഷമായി ഉയരാന്‍ സാധ്യതയുണ്ട്.
ഡിപാര്‍ട്ട്‌മെന്റ് ഫോര്‍ വര്‍ക്ക് ആന്‍ഡ് പെന്‍ഷനേഴ്‌സ് വകുപ്പിന്റെ ലീഡ് നോണ്‍-എക്‌സിക്യൂട്ടീവ് ഡയറക്ടറായും ബൊളാന്‍ഡിനെ നിയമിച്ചു. യുവാക്കള്‍ക്ക് തൊഴില്‍ അവസരങ്ങള്‍ ഒരുക്കുന്ന മൂവ്‌മെന്റ് ടു വര്‍ക്ക്എന്ന ചാരിറ്റി സംഘടനയുമായി അദ്ദേഹം വര്‍ഷങ്ങളായി പ്രവര്‍ത്തിച്ചുവരികയാണ്. ഈ കൂട്ടായ്മയിലൂടെ ഇതിനകം 2 ലക്ഷത്തിലധികം തൊഴിലില്ലാത്ത യുവാക്കള്‍ക്ക് ജോലി ലഭിച്ചതായി സര്‍ക്കാര്‍ വ്യക്തമാക്കി.
രാജ്യത്തെ വിവിധ മേഖലകളിലെ സിഇഒമാരുമായി ചേര്‍ന്ന് യുവാക്കള്‍ക്ക് തൊഴില്‍ ര സൃഷ്ടിക്കുകയും തൊഴിലില്ലായ്മയുടെ ദീര്‍ഘകാല വെല്ലുവിളി നേരിടുകയും ചെയ്യുന്നതാണ് ബൊളാന്‍ഡിന്റെ പ്രധാന ദൗത്യം.
